Este REA (Recurso Educativo Aberto) ten como obxectivo principal que o alumnado integre nos seus coñecementos unha parte dos bloques dos sentidos numérico (1), sentido alxébrico e pensamento computacional (4), e socioafectivo (6) do currículo de 5º de Educación Primaria tomando como fío condutor as actividades desenvolvidas nunha inmobiliaria. Tamén busca incorporar estratexias de resolución de problemas e de traballo en equipo, a través destas situacións reais motivadoras que terán distintos niveis de dificultade.

Para acadalo proponse como reto a elaboración de dous mapas con prezos de vivendas. 

As metas da aprendizaxe son:

1. Manexar números grandes, identificando o seu valor posicional.
2. Comprender e aplicar o concepto de prezo por metro cadrado para comparar valores.
3. Realizar operacións de división e multiplicación para calcular e clasificar prezos.
4. Interpretar e crear mapas, utilizando lendas e símbolos.
5. Traballar en equipo e colaborar na resolución dun problema.