O REA "Turismo devagar" ten como finalidade achegarnos de xeito motivador á Lingua Galega e á súa poesía e tradición oral, e novos medios de difusión da mesma. Do mesmo xeito procura crear no alumnado unha reflexión sobre a acción do ser humano na cultura, na tradición e no noso patrimonio para que todos eles se conserven no tempo de forma óptima.

Os diferentes bloques do REA están pensados tendo en conta o DUA, presentando diferentes versións da información de xeito que diversificamos o acceso á información en diferentes formatos e niveis, tentando así chegar ao maior número de realidades individuais do noso alumnado.

Para o profesorado que o precise e goste de utilizar este recurso na aula, ofrecemos unha oportunidade de enfoque educativo distinto, presentando unha situación motivadora que inclúe a aprendizaxe da materia de lingua galega e o traballo dos aspectos curriculares propios á etapa educativa.