Este REA (Recurso Educativo Aberto) céntrase na creación de textos a través de distintas actividades e exemplos. Traballaremos, no seu conxunto, tres tipos de textos: informativo, narrativo e poético, utilizando distintos formatos.
Nesta situación de aprendizaxe, o alumnado terá que crear un tríptico turístico para solucionar un problema de turismo masivo que, en primeiro termo, localizamos na cidade de Santiago de Compostela. O produto final poderase extrapolar a outras localidades coma, por exemplo, a do alumnado.

As metas de aprendizaxe son:

1. Recoñecer os elementos fundamentais de textos narrativos, informativos e poéticos.
2. Elaborar distintos tipos de textos.
3. Practicar a oralidade e potenciar a expresión oral e escrita.
4. Aprender que é o turismo masivo e cales poden ser as súas consecuencias negativas para a poboación.
5. Aprender que é o turismo sostible e como concienciar á sociedade sobre a súa importancia.
6. Traballar os valores da empatía, respecto, responsabilidade, estima propia e tolerancia.
7. Recoñecer e empregar correctamente os determinantes e signos de puntuación.