Este REA, en relación coa programación didáctica de referencia publicada en Proens para a materia de "Tecnoloxía e dixitalización" de 1º da ESO, contextualízase na primeira unidade, "Tecnoloxía, deseño e fabricación". Pola súa situación, supón o primeiro contacto do alumando coa materia, polo que se pretende que axude na súa avaliación inicial, así como na ensinanza e aprendizaxe das primeiras ferramentas dixitais que precisará ao longo do curso.
O recurso englóbase fundamentalmente nos bloques de contidos: "1. O proxecto tecnolóxico" e "2. Deseño e fabricación".
- No Bloque 1 trátase o desenvolvemento de habilidades e métodos que permitan avanzar dende a identificación e o plantexamento dun problema técnico ata a súa solución construtiva, e todo isto a través dun proceso planificado que busque a optimización de recursos e de solucións.
- No Bloque 2 abárcase o proceso de deseño e representación de pezas ou obxectos, a escala e acoutados, e o deseño de obxectos sinxelos en 3D, facendo uso de ferramentas CAD. Este proceso de deseño remata coa fabricación dixital, mediante impresión 3D ou por corte láser, de pezas sinxelas respectando as normas de seguridade e hixiene.
| Contidos |
Bloque da materia |
- Estratexias de procura crítica de información durante a investigación e a definición dos problemas expostos.
- Análise de produtos e de sistemas tecnolóxicos sinxelos para a construción do coñecemento dende distintos enfoques e ámbitos.
- Desenvolvemento tecnolóxico: creatividade, investigación, obsolescencia e impacto social e ambiental.
- Ética e aplicacións das tecnoloxías emerxentes.
- Tecnoloxía sostible. Valoración crítica da contribución da tecnoloxía á consecución dos obxectivos de desenvolvemento sostible (ODS).
|
Bloque 1 |
- Técnicas de representación gráfica para o deseño de pezas utilizadas nos proxectos. Acoutamento e escalas.
- Aplicacións CAD en 2D para a representación de esquemas, circuítos e planos sinxelos.
- Iniciación ao deseño 3D.
- Introdución á fabricación dixital. Deseño e construción de pezas sinxelas con impresión 3D e/ou corte.
|
Bloque 2 |
O desenvolvemento destes bloques na materia de tecnoloxía requiren que o seu tratamento sexa integral. Isto implica unha transferencia de coñecementos, destrezas e actitudes doutras disciplinas, que quedan recollidos nestes bloques interrelacionados, e que se presentan diferenciados entre si para darlles unha especial relevancia á resolución de problemas, á dixitalización e ao desenvolvemento sostible. O tratamento integral dos contidos destes bloques aconsella que se desenvolvan de forma conxunta e continua.
Tendo en conta o anterior, este recurso céntrase principalmente nos seguintes obxectivos da materia:
| Obxectivos |
Descrición |
| OBX 1 |
Buscar e seleccionar a información adecuada proveniente de diversas fontes, de maneira crítica e segura, aplicando procesos de investigación, métodos de análise de produtos e experimentando con ferramentas de simulación, para definir problemas tecnolóxicos e iniciar procesos de creación de solucións a partir da información obtida. |
| OBX 3 |
Aplicar de forma apropiada e segura distintas técnicas e coñecementos interdisciplinarios utilizando operadores, sistemas tecnolóxicos e ferramentas, tendo en conta a planificación e o deseño previo para construír ou fabricar solucións tecnolóxicas e sostibles que dean resposta a necesidades en diferentes contextos. |
| OBX 7 |
Facer un uso responsable e ético da tecnoloxía, mostrando interese por un desenvolvemento sostible, identificando as súas repercusións e valorando a contribución das tecnoloxías emerxentes para identificar as achegas e o impacto do desenvolvemento tecnolóxico na sociedade e na contorna. |
A continuación inclúense os descritores das competencias clave estipuladas pola normativa traballadas neste recurso.
| Competencias clave |
Clave dos descritores operativos |
| Competencia en comunicación lingüística (CCL) |
CCL3 |
| Competencia matemática e competencia en ciencia, tecnoloxía e enxeñería (STEM) |
STEM2; STEM3; STEM5 |
| Competencia dixital (CD) |
CD1; CD4; CD5 |
| Competencia persoal, social e de aprendera a aprender (CPSAA) |
CPSAA1; CPSAA4 |
| Competencia cidadá (CC) |
CC4 |
| Competencia emprendedora (CE) |
CE1; CE3 |
| CCEC |
CCEC3 |