Orientacións e recomendacións de uso
Recursos materiais necesarios
Para empregar este REA será necesario contar con un ordenador por cada estudante con conexión a internet, tanto para o traballo individual como grupal.
Contas docentes na plataforma Scratch
Para o traballo co alumnado en Scratch (dado que é menor de idade) recomendamos o uso de contas de profesorado.
As contas de profesorado proporcionan aos educadores a capacidade de crear clases, xestionar contas estudantís, organizar os proxectos en estudos, e controlar os comentarios do alumnado.
No seguinte contido desta páxina ("Contas para docentes en Scratch") amplíase esta información.
Proposta de agrupamentos para actividades grupais
Recoméndase a creación de grupos de 4 alumnos/as, asignados polo profesorado.
Para o anterior, a hora de poñer en práctica o REA na aula, recoméndase ao profesorado que teña en conta as seguintes pautas:
- Organizar ao alumnado en función das súas diferentes capacidades para crear equipos no que cada un poña a súa achega, dende os mais proactivos, líderes, organizativos aos mais pasivos, non colaboradores, etc.
- Asignar a cada alumno/a a creación dun pequeno videoxogo. No REA hai abundantes exemplos de xogos exemplificados, con diferentes niveis de dificultade. É importante axudar ao alumnado a escoller o videoxogo axeitado ás súas capacidades e coñecementos.
- Crear un clima de traballo positivo e participativo, poñendo en valor os progresos e motivando nas dificultades.
Durante o REA intercalaranse actividades individuais nas que o alumnado deberá adestrarse para a posterior realización do reto. Estas actividades están organizadas e secuenciadas atendendo á diversidade do alumnado.
Produto final
O produto final do REA "Viaxe programada" consiste na creación de un videoxogo sobre mobilidade sostible, composto de varios pequenos xogos enlazados, de xeito que cada membro do grupo realice un deles.
Se facilita unha pantalla de inicio do videoxogo final, acompañada dunhas instrucións, co fin de axudar a organizar e ensamblar os pequenos xogos creados por cada un dos membros do equipo.
Enfoque multinivel do reto
É moi frecuente atopar alumnado que ten participado en cursos e campamentos onde xa traballou en Scratch ou con outras linguaxes de programación que facilitan a súa aprendizaxe. Todo o REA presenta moitos niveis de dificultade, dente o mais básico e guiado ata propostas de ampliación e curiosidade pensados para o alumnado con maior inquietude en programación. Recomendamos ao profesorado que preste especial atención á escolla das actividades en función dos intereses e capacidades do alumnado da aula.
Desenvolvemento da Competencia Dixital do alumnado
Todas as actividades do REA están pensadas para realizarse en formato dixital.
O alumnado ten un diario de aprendizaxe que pode cubrir de forma dixital, de xeito que vaia reflexionando sobre o proceso, aínda que se dispón dunha copia en formato PDF.
Cumprir co reto final posibilita aprender ou afianzar no emprego de todo tipo de ferramentas para a programación, o deseño, a edición e presentación dixital, etc.
Asegúrese de anotar su nombre de usuario y contraseña.
.
Elaboración propia para cREAgal. Arquivo .CSV 
