Warhol, e ti de quen vés sendo?

Este é o REA (Recurso Educativo Aberto) número 1 elaborado no proxecto cREAgal para a materia de Educación Plástica e Visual de 5º de Educación Primaria.

Andy Warhol foi un referente do movemento Pop Art, retratando personalidades famosas e obxectos cotiás, pero non tivo en conta Galicia. Neste REA trasladaranse as súas propostas á nosa comunidade, usando principalmente as conmemoracións típicas desta época (Samaín, Magosto e Nadal). O alumnado investigará a vida e obra de Warhol, polo que traballará contidos como determinadas técnicas de pintura, a fotografía e os tipos de licenzas. O reto consiste na elaboración dun documental.