Unha historia paralela: os pobos precolombianos e a Monarquía Hispánica

Este é o REA (Recurso Educativo Aberto) número 4 elaborado no proxecto cREAgal para a materia de Xeografía e Historia de 2º de Educación Secundaria Obrigatoria.
Os contidos do REA recollen os das unidades 6 (A Monarquía Hispánica) e 7 (A conquista e colonización de América) da proposta de programación recollida en Proens. O alumnado aprenderá a analizar a sociedade, a economía, a organización social e a cultura dos pobos precolombianos e da Monarquía Hispánica, ademais de coñecer o proceso de colonización de Hispanoamérica, para axudalo a entender a configuración actual do continente suramericano e de España.
Na situación de aprendizaxe que desenvolve, o alumnado terá que elaborar unha serie de produtos finais co obxectivo de analizar e valorar os aspectos positivos e negativos do descubrimento e da conquista de América.