Un mundo cheo pero desigualmente repartido

Este é o REA (Recurso Educativo Aberto) número 6 -dun total de 6- elaborado no proxecto cREAgal para a materia de Xeografía e Historia de 2º de Educación Secundaria Obrigatoria.

A situación de aprendizaxe está deseñada para o estudo da xeografía da poboación, da xeografía urbana e para recoñecer as diferenzas que existen en diferentes zonas do planeta. No seu desenvolvemento, o alumnado poderá comprender como a cooperación pode contribuír á redución desas diferenzas.

No reto proposto, tras procurar a información necesaria, o alumnado poderá consolidar o aprendido estruturando unha serie de datos que lles serán ofrecidos dun xeito desorganizado. Como produto final, cada grupo elaborará e presentará aos demais o seu informe explicando as conclusións ás que chegaron durante as súas pescudas.