Turismo devagar

Este é o REA (Recurso Educativo Aberto) número 3 -dun total de 6- elaborado no marco do proxecto cREAgal para a materia de Lingua Galega e Literatura de 5º de Educación Primaria.

A situación de aprendizaxe contextualízase na situación da cidade de Santiago de Compostela e os problemas do turismo masivo. Propón ao alumnado recoller iniciativas para solucionar os problemas derivados do turismo de masas.

O reto consiste en elaborar un tríptico para promover un turismo responsable que ofreza alternativas de visita sostibles e respecte a vida cotiá da localidade. O produto final debe combinar textos informativos (itinerarios, horarios), narrativos (historias do patrimonio) e poéticos (lemas, versos inspiradores), xunto con elementos visuais e de deseño.