Lecturas compartidas

Este REA (Recurso educativo aberto) número 1 -dun total de 6- está elaborado no marco do proxecto cREAgal para a materia de Lingua Galega e Literatura para 2.º da ESO.

A situación de aprendizaxe desenvolvida ten como fío condutor a elaboración dun programa literario de entretemento e en directo. Este é o propósito do REA. O enfoque competencial estará orientado á investigación, coñecemento e aplicación práctica dos saberes da materia. O alumnado traballará conceptos como a narración e a lírica, e coñecerá máis polo miúdo a lingua portuguesa.

O reto consiste na creación dun espazo literario con distintas seccións nas que se falará de libros, de música, de poesía, de países lusófonos e da importancia da diversidade lingüística, asumindo de forma colectiva todas as tarefas técnicas e creativas que require un proxecto coma este.