IMPRESSións do pasado

Este é o REA (Recurso Educativo Aberto) número 5 -dun total de 6- elaborado no proxecto cREAgal para a materia de Educación Dixital de 3º de Educación Secundaria Obrigatoria.

A situación de aprendizaxe xira en torno á vida de hai 50 anos. Deste xeito, o alumnado deberá facer uso de recursos multimedia e ferramentas de ofimática para xerar información que lle permita contrastala coa vida na actualidade. En particular, o alumnado interactuará co software de presentacións de LibreOffice Impress e a ferramenta Board de Moodle/Taboleiro de EVA E-Dixgal.

Como reto final, o alumnado elaborará unha presentación dixital que compartirá na Rede co obxectivo de que o resto da aula a visualice e a valore.