Este cole é un teatro

Este é o REA (Recurso Educativo Aberto) número 1 -dun total de 3- elaborado no proxecto cREAgal para a área de Música e Danza de 6º de Educación Primaria.

A situación de aprendizaxe está relacionada cos contidos da música dramática, tanto desde o aspecto puramente musical, como desde unha perspectiva estrutural dun teatro e as principais profesións asociadas a calquera representación teatral. Logo de repasar a clasificación das voces preséntanse a ópera, a zarzuela e o musical así como as profesións ligadas á música escénica.

O reto para o alumnado será, en equipo, planificar, crear e estrear unha obra escénica propia. Ademais, deberán elaborar un vídeo informativo no que expliquen o aprendido, que se presentará nunha estrea organizada por eles mesmos.