Entramos en materia

Este é o REA (Recurso Educativo Aberto) número 4 elaborado no proxecto cREAgal para a área de Ciencias da Natureza de 6º de Educación Primaria.

O presente REA explora as características e as propiedades da materia para despois aplicalas á práctica a través da identificación de materiais que poidan ser utilizados no reto presentado, así como na investigación das diferentes formas de enerxía que se poden empregar. 

A situación de aprendizaxe permitirá ao alumnado desenvolver un proxecto para a creación dun prototipo capaz de evitar que un ovo escache ao caer. Este reto permite aplicar coñecementos previamente traballados sobre as propiedades e características da materia e enerxía, entre os que se atopan a densidade, a flotabilidade, os cambios de estado e as fontes de enerxía, entre outros. Tamén se traballarán as técnicas de indagación científica a través da aplicación do método científico e do Design Thinking á vez que se fomenta o traballo en equipo e a resolución de problemas mediante a creación de prototipos e experimentos.