¡Cómo está el patio!

Este é o REA (Recurso Educativo Aberto) número 3 -dun total de 7- elaborado no marco do proxecto cREAgal para a materia de Tecnoloxía e Dixitalización de 1º de Educación Secundaria Obrigatoria.

A situación de aprendizaxe está deseñada para iniciar ao alumnado no proceso tecnolóxico e nos principais elementos estruturais. Traballando cun enfoque competencial, coñecerán os tipos de esforzos e as cargas ás que están sometidas as estruturas, iniciándose no manexo dos materiais e ferramentas básicas, e cumprindo coas normas de seguridade e hixiene.

No reto proposto, con todos os coñecementos adquiridos, o alumnado deseñará e construirá unha estrutura que mellore o patio do seu centro educativo, facéndoo máis inclusivo.