Canto contas cando cantas

Este é o REA (Recurso Educativo Aberto) número 3 elaborado no proxecto cREAgal para a materia de Música e Danza de 5º de Educación Primaria.

Inspirados nas andanzas da protagonista do conto Tareixa, a gaiteira de Lindín, o alumnado mergullarase nunha aventura musical onde a arte e a creatividade se combinan para explorar novos sons e expresións. Proporciónase así un ambiente onde o alumnado terá a oportunidade de participar nun proceso creativo no que poderá expresarse musicalmente, colaborar en equipo e celebrar a cultura galega.