REA (Recurso Educativo Aberto) para a Unidade Didáctica 3 modelo da Programación didáctica LOMLOE da materia de Música e Danza para 5º de Educación Primaria.

O reto esta Unidade Didáctica consiste na sonorización dun conto no contexto da conmemoración do Día das Letras Galegas.

Inspirados nas andanzas da protagonista do conto Tareixa, a gaiteira de Lindín, o alumnado mergullarase nunha aventura musical onde a arte e a creatividade se combinan para explorar novos sons e expresións. Proporciónase así un ambiente onde o alumnado ten a oportunidade de participar activamente e compartir as súas ideas.

Co desenvolvemento deste REA, preténdese que o alumnado adquira coñecementos básicos sobre:

• Conto: Elaboración dunha creación artístico-músico-literaria.
• Linguaxe musical: Entoación en grupo dunha canción. Creación de células rítmicas e/ou melódicas.
• Exploración e Creación Sonora: Selección e construción de fontes sonoras.
• Educación Vocal: Identificación e clasificación dos tipos de voces e estruturas vocais.
• Organización dun evento: Conmemoración do Día das Letras Galegas.

A través destes obxectivos, o alumnado terá a oportunidade de participar nun proceso creativo onde poderán expresarse musicalmente, colaborar en equipo e celebrar a cultura galega.