Amadou, da guerra á escola

Este REA é o número 2 - dun total de 6- da proposta cREAgal para Xeografía e Historia en 3º ESO.

Ten como finalidade o estudo da globalización, a interculturalidade, os movementos migratorios, as organizacións internacionais, os estados e as súas formas e a organización institucional e territorial de España.

O alumnado deberá resolver un reto que consiste na elaboración dun plan de acollida para unha persoa acabada de chegar ao centro educativo dende outro país (Sudán do Sur ou Afganistán) e a súa presentación na aula de forma creativa.