PlayNewton

Este é o REA (Recurso Educativo Aberto) número 5 - dun total de 6 - elaborado no marco do proxecto cREAgal para a materia de Física e Química de 2.º de Educación Secundaria Obrigatoria.
A situación de aprendizaxe desenvolvida ten como fío condutor o descubrimento das forzas e as súas características a través da elaboración de xoguetes simples. Cun enfoque competencial, o alumnado investiga, analiza e aplica de maneira práctica conceptos relacionados coa dinámica.
No reto proposto, o alumnado creará un xoguete, analizando as forzas implicadas e os seus efectos, tendo en conta a universalidade do mesmo. Os produtos finais, o prototipo do xoguete e o seu cartel técnico-divulgativo, elaborados poderán empregarse como parte dunha feira científica destinada á comunidade educativa.