La química da de comer

Este é o REA (Recurso Educativo Aberto) número 2- dun total de 6- elaborado no marco do proxecto cREAgal para a materia de Física e Química de 2.º de Educación Secundaria Obrigatoria.

A situación de aprendizaxe desenvolvida ten como fío condutor a alimentación, poñendo en valor produtos galegos, desde a produción de alimentos ata o seu consumo. Cun enfoque competencial, o alumnado investiga, analiza e aplica de maneira práctica conceptos relacionados coa materia.

No reto proposto, o alumnado preparará un posto para unha feira científico gastronómica, traballando a clasificación da materia, a linguaxe química e as disolucións. O produto final, a ficha do proceso e o posto, elaborados poderán empregarse como parte dunha feira científica gastronómica destinada á comunidade educativa.