Unha historia paralela: os pobos precolombianos e a Monarquía Hispánica

Este é o REA (Recurso Educativo Aberto) número 4 -dun total de 6- elaborado no proxecto cREAgal para a materia de Xeografía e Historia de 2º de Educación Secundaria Obrigatoria.

Ao longo da situación de aprendizaxe, o alumnado aprenderá a analizar a sociedade, a economía, a organización social e a cultura dos pobos precolombianos e da Monarquía Hispánica. Ademais, coñecerán o proceso de colonización de Hispanoamérica, permitíndolles entender a configuración actual do continente suramericano e de España.

No reto proposto, o alumnado terá que elaborar unha serie de produtos finais, empregando diferentes ferramentas, co obxectivo de analizar e expresar os aspectos máis salientables das diferentes culturas que entraron en contacto co descubrimento e dos intercambios que se produciron durante a conquista e nos séculos posteriores.