Saltar navegación

1.2. O coñecemento é liberdade

Na procura do reto

Imaxe dun museoImaxina que formas parte dun equipo creativo dunha empresa que deseña exposicións e materiais didácticos para museos e centros educativos. A túa nova encarga é especialmente importante: crear un museo itinerante que percorrerá centros de secundaria para axudar a entender como as ideas da Ilustración puxeron en cuestión o Antigo Réxime e transformaron a maneira de pensar das persoas. 

Lectura facilitada

Pertences a unha empresa de elaboración de materiais didácticos.

Tes que organizar un museo itinerante para institutos.

Debes desenvolver produtos didácticos para coñecer:

  • A Ilustración
  • As manifestacións artísticas da época
  • A súa influencia nas revolucións burguesas do século XIX (dezanove).

Ante todo, organización!

Imaxe de catro persoas traballando nunha mesaTerás que elaborar os seguintes produtos finais en grupo: 

1. Detrás das ideas, hai persoas (biografía comentada).

2. O cadro como fonte histórica (interpretar unha obra artística no seu contexto histórico).

                         3.  Se eu fose artista... (crear unha obra seguindo un dos estilos artísticos traballados coa súa interpretación).

Na fase 4, atoparás toda a información sobre o desenvolvemento do reto.

Cando chegues á meta...

Imaxe dunha persoa levantando un trofeo

Superado o reto, poderás:

  • Obter información sobre a política, economía, sociedade e cultura de calquera época histórica.
  • Analizar e sintetizar a información importante.
  • Comunicar a información dunha forma creativa a través de diferentes ferramentas.
  • Fomentar o respecto e tolerancia.
  • Potenciar o traballo en equipo.
  • Razoar e expresar as ideas dun xeito coherente.

Comeza un diario que iluminar

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Agora tes que recopilar o aprendido no diario de aprendizaxe. Completa as actividades correspondentes á fase 1.

É fundamental que o fagas, xa que reflexionar é clave para aprender!

Podes acceder ao modelo no apartado "diario de aprendizaxe" e descargala.

Lembra:

Consulta co profesorado se debes cubrilo en papel ou no computador.
Se o completas no ordenador, non esquezas gardalo no teu dispositivo ao rematar.
Ánimo, seguro que o farás de marabilla!

Feito con eXeLearning (Nova xanela)