Mensaxe do Doutor Vittalo Motore

[TELEGRAMA ENTRANTE: Bip, bibi-bip, bip, bibi-bip, bip, biiiip...]

Saúdos, Axente!

Son o Doutor Vittalo Motore.

Se recibiches este telegrama é porque o equipo de elite da nosa Axencia decidiu que eras unha persoa indicada para este traballo.

Os datos que nos chegan son alarmantes: a saúde mundial está en risco vermello!

Estás a piques de coñecer o teu primeiro e máis importante reto deste curso: frear a gran pandemia do século XXI... o sedentarismo. Para iso, dámosche a benvida á Axencia S.A.U.D.E. (xa falaremos máis adiante dela).

Prepárate Axente, porque esta aventura non é para calquera. O primeiro paso é coñecer a fondo o terreo... Imos alá!

Atentamente,

V. Motore.

[FIN DA TRANSMISIÓN]

Lectura facilitada

MENSAXE DE VITTALO MOTORE

Vittalo Motore é o xefe da Axencia S.A.U.D.E.

Vittalo Motore escribiu unha mensaxe en forma de telegrama para ti.

O TELEGRAMA

A Axencia S.A.U.D.E quere contar contigo para unha misión secreta.

A misión consiste en salvar o mundo do sedentarismo.

O causante desta situación é un monstro chamado Sedentor.

Audio

O reclutamento

Acabas de recibir un telegrama coas letras S.O.S. no encabezado, o selo distintivo cunha cara ben fea e a frase AXENCIA S.A.U.D.E.

O telegrama parece que non trae moita información. Pero sorpresa! Se vas superando os desafíos que irán aparecendo na clase resolverás todas as túas dúbidas.

Precisas axuda? Fala con quen ti xa sabes: ocúltase como "profe de Educación Física" pero estamos a falar de "AXENTE #017". Sempre estará ao teu carón cando che faga falta. É a man dereita de Vittalo Motore, o xefe da Axencia.

Isto está a piques de comezar, únete a esta aventura!

Lectura facilitada

O RECLUTAMENTO

Acabas de recibir unha mensaxe moi importante con pouca información

Se vas superando os desafíos resolverás as túas dúbidas.

Precisas axuda? Fala con "AXENTE #017"

AXENTE #017 é o teu profesor / a túa profesora de Educación Física.

É a man dereita de Vittalo Motore, o xefe da Axencia.

Axudarache cando faga falta.