Completa o desafío

Uxía, Martiño, Antía e Xan acaban de comezar unha nova etapa do Camiño. Antes de saír de Caldas de Reis, atopan unha tarxeta de crédito no chan que non ten escrito o nome de a quen pertence. Avisan ás súas mestras e aos seus mestres de que deben achegarse á comisaría da Policía Local para entregala pero, non contentos con iso, deciden investigar tamén pola súa conta para falar co propietario ou coa propietaria.

Axúdadelles a atopar á persoa que perdeu a tarxeta de crédito para que se aseguren de que coñece algunhas normas básicas de seguridade e que ninguén poida facer compras coa súa tarxeta se a extravía outra vez.

Resolvede os retos coa axuda das pistas e completade o desafío.