Completa
Le o texto e completa as palabras que faltan.
Número de preguntas: 7
Acertos: 0
Erros: 0
Puntuación: 0
Xenial! A pista é:
Solución:
O seu navegador non é compatible con esta ferramenta.
A liña do tempo
Elabora unha liña do tempo sobre a túa vida
1º : Busca exemplos de liñas do tempo en Internet para ver diferentes modelos.
2º: Elabora unha lista cos momentos da túa vida que consideres máis importantes (por exemplo: o nacemento, os primeiros pasos, o comezo na escola infantil, o inicio no colexio, a caída do primeiro dente, a primeira viaxe no bus ou no tren, etc. ).
3º: Colle os materiais necesarios: papel (preferiblemente cuadriculado e en posición horizontal), regra, lapis, goma e pinturas.
4º: Calcula a escala que empregarás, é dicir, o tamaño que ocupará cada ano representado para que todos os anos ocupen o mesmo, tendo en conta a túa idade. Por exemplo, cada ano pode ocupar 4 cadrados (se o papel ten cuadrícula) ou 5 cm.
5º: Debuxa unha liña recta horizontal ou un rectángulo tendo en conta o paso 4º.
6º: Engade liñas verticais para marcar os momentos nos que tiveron lugar os sucesos máis destacables e escribe o que aconteceu en cada caso. Este é un exemplo:
(Podes premer na imaxe para descargala se precisas ampliala)
7º: Podes engadir debuxos de cada momento e colorear.
Ampliación
Elabora unha liña do tempo sobre a túa vida ou sobre outro tema empregando recursos dixitais.
Por exemplo, podes facelo nun programa de Libre Office, como Draw, Writer ou Impress (engadindo unha liña ou unha forma rectangular e cadros de texto).
Podes incluír imaxes que atopes en Internet (como un bebé, xoguetes, medios de transporte, etc).
Non esquezas gardar o documento escollendo o nome e a ubicación do ordenador na que queres que estea.
Licenciado baixo a Licenza Creative Commons Atribución Non-comercial Compartir igual 4.0