O Quidditch ou Quádbol é un deporte de equipo, onde xogan 2 equipos simultaneamente no mesmo campo.
Foi creado en 2005 na Universidade de Middlebury en Middlebury, EE.UU, tendo as súas raíces no mundo máxico das novelas de Harry Potter.
Para xogar empregamos diferentes materiais: Vasoiras (churros/tubos PVC), 6 aros-portería, 1 Quaffle (Balón de Voleibol), 3 Bludger (Balóns de gomaespuma), 1 Snitch (Bóla de Tenis).
O espazo de xogo é rectangular. Un campo de 60 m x 33 metros, con 3 aros de diferentes alturas a cada lado do campo.
O obxectivo do xogo é, obter máis puntos que o equipo contrario, introducindo o balón (Quaffle), nos aros-portería ou conseguir atrapar a Snitch.
Nun partido de Quidditch ou Quádbol xogan dousequipos mixtos. Cada equipo está composto por entre 7 xogadores e xogadoras e ata un máximo de 21 inscritas/os.
A regra do "MÁXIMO CATRO" di que un equipo non pode ter máis de catro xogadores/as do mesmo sexo no campo ao mesmo tempo, garantindo así que o deporte sexa inclusivo con todos os xéneros e que esta diversidade se manteña sempre no terreo de xogo.
As cualidades máis destacadas para xogar a este deporte son a coordinación, a toma de decisións, golpear e recepcionar.
Os valores que se potencian no Quidditch ou Quádbol son:
coeducación: xa que os equipos son mixtos e inclusivos atendendo as diferentes diversidades sexuais;
cooperación: precísase a participación das persoas do equipo para conseguir o obxectivo;
superación:dun xeito lúdico, cada persoa dá o mellor de si;
esforzo: para tratar de gañar ao equipo contrario;
motivación: por obter un bo resultado, traballando en equipo.
