Como sabedes, as marionetas son ese tipo de bonecos cos que se representan as obras de teatro e que teñen o seu corpo unido a uns fíos invisíbeis, de forma que aínda que son controlados por unha persoa semella que é a marioneta a que se move por si mesma.
Un pouquiño de historia...
Dende fai moitísimo tempo, a figura das marionetas estivo presente na vida das persoas. O certo é que probablemente os primeiros títeres xurdiron como entretemento para os adultos, xa que algúns pobos usábanos para representacións humanas ou ben animais nos seus rituais relixiosos. Ás veces empregábanse para contar historias antigas de deuses e demos e na Idade Media, os titiriteiros viaxaban de país en país levando consigo contos e lendas que aínda perduran hoxe en día. Pénsase que o nome de "marionetas" orixinouse nesta época, cando os monxes empregaban este tipo de recursos para exemplificar a historia da Virxe María e o nacemento de Xesús.
Quentando motores!
Na seguinte actividade dedicaremos algo de tempo a exercer de marionetas... en sentido literal!
Pero imos por partes, primeiro quero que coñezades unha ferramenta musical moderna, que ten que ver co tema que nos ocupa e coa que podemos traballar a altura, calidade do son que nos permite diferenciar se un son é grave ou agudo. Pero... isto xa o sabiades, non si?
Nesta actividade imos empregar todo o potencial das novas tecnoloxías para traballar coa nosa marioneta dixital. Unha ferramenta especialmente útil para repasar a altura como calidade do son, ao mesmo tempo que pasamos un bo momento! Seguide lendo para coñecer todas as indicacións.
Primeiro deberemos escoller a nosa marioneta (podemos seleccionar a que máis nos guste picando nas frechas laterais, e cada unha ten unha cor e un son particular)
Despois darémoslle as indicacións precisas, e para facelo deberemos picar no seu corpo e arrastrar sen soltar o punteiro do rato na dirección que queiramos que se mova (ben cara arriba ou cara abaixo).
Unha vez deixemos de arrastrar e soltemos o rato, a marioneta recuperará a súa posición inicial.
No seguinte vídeo atoparedes unha pequena demostración!
Podedes botarlle un ollo e probar esta ferramenta facendo clic AQUÍ
SEGUNDO PASO
Comeza o xogo
Para realizar a actividade, deberemos afinar o noso oído todo o que poidamos, xa que o obxectivo é escoitar unha nota musical e dirixir a marioneta (subindo ou baixando) ata que consiga emitir exactamente o mesmo son. Máis abaixo atoparedes as notas que compoñen a escala musical, que son arquivos de audio que podedes reproducir. Prestade moita atención a como soa cada nota, e ao mesmo tempo que a escoitades deberedes empregar a marioneta dixital para emparellar os dous sons! Moita concentración e mans a obra!
Velaquí atoparedes os arquivos de audio coas notas da escala musical:
Nota DONota RENota MINota FANota SOLNota LANota SI
Resulta difícil afinar a nosa marioneta, non si? Pois agora contareivos un segredo que non ides esquecer!
Na música tódolos son que coñecemos están formados por ondas sonoras, que producen unha pequena vibración ao transmitirse polo aire. Por iso, en determinadas ocasións a vibración pode chegar a ser tan forte que incluso rompe obxectos (pensade nas típicas copas de vidro que se esnaquizan cunha voz potente). O certo é que cada nota da escala musical posee un número determinado de vibración por segundo, que chamamos frecuencia de vibración. Se coñecemos esta frecuencia, podemos afinar de maneira óptima un instrumento ou a nosa propia voz, de maneira que chegue a realizar exactamente a mesma nota. Para medir a frecuencia de vibración do son empregamos os Hertzios (Hz), que indican o número de vibracións por segundo.
No pasado, os músicos empregaban un aparello moi curioso que emitía un son ao golpealo, e que lles servía como nota de referencia para afinar os seus instrumentos: o diapasón.
Na actualidade a tecnoloxía evolucionou moito, e agora empregamos aparellos electrónicos para afinar que son popularmente coñecidos como afinadores. Neste tipo de instrumentos modernos podemos afinar todas as notas da escala, e existen multitude de modelos no mercado. Velaquí un exemplo:
Agora ben, como sabemos a frecuencia de vibración de cada nota musical? Pois para iso estou eu! Na seguinte táboa amósase a frecuencia de vibración particular para cada nota (en Hz). Coñecendo este valor, poderemos manexar a nosa marioneta dixital de forma que se axuste perfectamente a cada nota. Imos aló!
Iván Suárez. Táboa de frecuencias de vibración(CC BY)
E por último, agora que xa coñecemos o segredo da afinación perfecta, soamente queda por facer a proba e comprobar se é verdade! Empregaremos para conseguilo de novo a mesma ferramenta dixital (que podedes abrir facendo clic AQUÍ) e desta volta prestaremos especial atención ó número que se amosa ao pé da imaxe e que nos indica a frecuencia de vibración na que nos atopamos.
Para afinar cada unha das notas, o valor deste número deberá aproximarse o máis posíbel á referencia que temos na táboa anterior. Moita sorte!
Para afinar cada unha das notas, o valor deste número deberá aproximarse o máis posíbel á referencia que temos na táboa anterior. Moita sorte!