De seguro que todos e todas vós recordades a parte da coreografía na que avanzabamos cara o centro do círculo imitando ós distintos personaxes da familia Sapo, mentres comentabamos algo así como "sapo-sapo". 

Pero seríades capaces de escoller a frase exacta que se cantaba mentres bailastes esta parte da coreografía? Soamente unha das seguintes opcións é a correcta, e se me permitides unha suxestión a mellor maneira de saír de dúbidas é volver a bailar a danza... iso si, desta volta prestade moita atención!

Aproveitando que estamos concentrados e concentradas, imos a complicar a actividade un pouquiño máis! Xa sabemos a frase exacta que cantastes na danza da familia Sapo, que era algo así como... "Sapo-sapo, Sapo-sapo, Sapo-sapo; Sá", verdade? Pois ben, agora o que temos que facer é pensar qué figuras da linguaxe musical poderían encaixar no ritmo co que cantabamos esta frase. De novo, volvo a suxerir que a mellor forma de saír de dúbidas é volver a bailar esa parte da danza! Prestade especial atención ó movemento dos pés, que irán marcándonos o pulso, e reflexionade sobre o número de golpes de voz que realizamos en cada pulso. Soamente unha das seguintes opcións é a verdadeira.