Saltar navegación

Falando coas nosas mans

A linguaxe xestual na música

Man con figuras musicais
Gordon Johnson. Pulgares-arriba-música (CC BY)

Pois sí, tal e como acabades de ler, o certo é que na música temos a posibilidade de falar empregando soamente as nosas mans. Mediante a linguaxe de signos, unha persoa pode transmitir información musical moi valiosa, coma por exemplo o nome das notas que quere interpretar, a súa duración ou intensidade, ou incluso dirixirse a un músico en concreto para que interprete unha melodía.

Pero para entendernos, primeiro todos deberemos aprender a falar a mesma linguaxe, e se queremos logralo deberemos adestrar as nosas mans para que coñezan cada un dos xestos que imos a precisar! Así que agora máis que nunca... MANS A OBRA!

A escala musical con xestos

E chegados ata este punto soamente nos queda aprender cales son os xestos que se asocian a cada unha das sete notas que conforman a escala musical. É moi importante empregar unha linguaxe xestual clara, atribuíndolle a cada un dos xestos que se presentan todas as indicacións para facelo; así evitaremos posíbeis confusións entre as persoas que teñen que recibir esa información e interpretala.

Podedes botarlle un ollo a cada un dos xestos no seguinte despregable!

NOTA DO

Xesto nota DO
Ddraw (Freepik). Humans hand set (fragmento da imaxe orixinal) (CC BY)
  • A primeira nota da escala, a nota DO, realízase co puño pechado e en posición horizontal, cunha lixeira tendencia a apuntar cara abaixo. A idea é que transmita a sensación de forza e estabilidade.

NOTA RE

Xesto nota RE
Macrovector (Freepik). Set of Hands (fragmento da imaxe orixinal) (CC BY)
  • A segunda nota da escala, a nota RE, realízase coa palma da man estirada boca abaixo mantendo un ángulo de 45º, de maneira que se presenta inclinada e a medio camiño entre a nota DO (inferior) e a nota Mi (superior). Pola súa posición transmite sentimento de incertidume e inseguridade.

NOTA MI

Xesto nota Mi
Macrovector (Freepik). Set of hands (fragmento da imaxe orixinal) (CC BY)
  • A nota MI represéntase coa man estirada completamente horizontal, coa palma da man boca abaixo e ben aberta, de forma que da a impresión de calma e tranquilidade.

NOTA FA

Xesto nota FA
Macrovector (Freepik). Set of hands (fragmento da imaxe orixinal) (CC BY)
  • A nota FA, represéntase coa man pechada e o pulgar apuntando cara abaixo, dada a súa tendencia natural a resolver na nota MI, a súa compañeira inferior.

NOTA SOL

Xesto nota SOL
Macrovector (Freepik). Set of hands (fragmento da imaxe orixinal) (CC BY)
  • O SOL é unha das notas máis importantes da escala musical, xa que é a nota que indica a clave de sol ao comezo do pentagrama. Realízase coa man aberta e a palma cara o noso corpo, trasmitindo unha sensación de descanso.

NOTA LA

Xesto nota LA
Macrovector (Freepik). Set of hands (fragmento da imaxe orixinal) (CC BY)
  • A posición da nota LA semella un tellado; a súa posición natural apunta cara abaixo por mor das moitas ocasións que descende cara a nota sol.

NOTA SI

Xesto nota SI
Macrovector (Freepik). Set of hands (fragmento da imaxe orixinal) (CC BY)
  • A última nota da escala e o SI, e como vedes a man colócase apuntando cara arriba co dedo índice, que nos indica a tentación que ten esta nota de ascender sempre cara a primeira da escala, o DO.