Poñémonos en marcha!
Perfecto, xa temos decidido o camiño e o punto de partida, tamén a nosa acreditación de peregrino, agora hai que facer a mochila. Que levar? Temos que pensar moito que meter nela porque ao terceiro día vai pesar ata a alma...
Despois de documentarnos, chegamos a conclusión de que precisaremos :
- Calzado cómodo para andar. O camiño non ten grandes dificultades e, se hai bo tempo, é mellor utilizar unhas zapatillas de deporte cómodas (se chove, xa é outra cousa...).
- Calzado cómodo para descansar e ducharse. É importante ter unhas zapatillas cómodas para descansar os pés despois dunha xornada de camiño.
- Un saco de durmir. Se se vai durmir en albergues, non é necesario un saco de alta montaña. O importante é que pese pouco e que sexa illante.
- Un poncho para a choiva. É importante levar un impermeable que cubra a mochila.
- Roupa. O mínimo. Se se vai no verán, pódese subsistir con tres mudas de roupa interior (que se lavan diariamente e poden secar colgadas na mochila ao andar), uns pantalóns curtos para andar, outros longos para poñerse "de limpo", tres camisetas de manga curta e un xersei para a noite. Se vas en época de choiva, a cousa cambia. Ten en conta que, por moito impermeable que leves, terminarás cos pés empapados e se levas pantalóns longos tamén. Recoméndase levar pantalóns curtos para andar, miles de calcetíns e botas de montaña que resistan ben a choiva.
- Un chapeu ou gorra para o sol (se se vai no verán).
- Unha cantimplora (ou a clásica botella de auga). Ollo, as fontes non son tan abundantes como cabería pensar.
- Unha navalla multiusos.
- Unha lanterna.
- Unha pequena caixa de primeiros auxilios. Ten en conta que as rozaduras, bochas e tordecuras son o máis común.
- A documentación recompilada coas etapas para realizar, os puntos de interese, as direccións e teléfonos importantes, etc.
Lembra sempre a regra de ouro: todo o que levas, pesa.
Non nos podemos esquecer da credencial de peregrino para ir selando no camiño!
