Claudia Peeters e o Barroco Flamenco
É moi pouco o que se sabe desta pintora. O que si sabemos é que foi a iniciadora do bodegón e as naturezas mortas nos Países Baixos. Naceu en Amberés en 1594 e morreu na Haia en 1657. Posiblemente foi filla do pintor Jan Peeters, de quen aprendería o oficio. Sobre ela téñense poucas noticias verificables, salvo que foi unha pintora precoz especializada en bodegóns, que traballou en Anveres e que a súa época de máxima creatividade desenvolveuse ao redor de 1611-1612. Reflectida nos metais brillantes dalgunhas das súas obras, Peeters píntase. Ás veces píntase mesmo pintando. É unha imaxe apenas perceptible –camuflada quizá por decoro, para non parecer demasiado descarada en tanto muller– que Peeters desprega con coraxe infinita e unha implacable seguridade no seu oficio.
Quizá foi a atmosfera particular nos Países Baixos durante 1600 –en especial en Anveres, onde Peeters desenvolve a súa actividade– a que posibilitou a consolidación deses bodegóns expostos como a representación dunha clase en ascenso, burguesa e moderna –os ricos comerciantes– que a intres remedaba os costumes da aristocracia tradicional. Ao redor deste aparente paradoxo –modernidade e tradición– desenvolvíase un xénero pictórico que traza un retrato social moi preciso. Entre as riquezas e rarezas importadas e atesouradas se delineaba ademais a fina fronteira entre abundancia e exceso, e apelábase, dalgunha maneira, á caducidade do mundo e as cousas do mundo.
A pesar da atmosfera de modernidade que se vivía nos Países Baixos, ser muller pintora no século XVII, mesmo nunha sociedade cuxa clase en ascenso retaba algúns vellos costumes, non era fácil.
No mundo consérvanse unhas 30 obras atribuídas a esta pintora que foi unha das poucas mulleres artistas activa en Europa durante a primeira metade de século XVII. En 2016 Clara Peeters converteuse na primeira muller pintora protagonista dunha exposición no Museo do Prado.
"Os selfies de Clara Peeters", https://genteyold.com/clara-peeters-pintura-anos-experiencia/
Clara Peeters, https://es.wikipedia.org/wiki/Clara_Peeters
El Arte de Clara Peeters, https://www.museodelprado.es/actualidad/exposicion/el-arte-de-clara-peeters/e4628dea-9ffd-4632-85c9-449367e86959
Vídeo sobre a exposición do Museo do Prado adicada a Clara Peeters:
Licenciado baixo a Licenza Creative Commons Recoñecemento Non-comercial Compartir igual 4.0