Vivir ou traballar en zonas moi ruidosas pode producir danos físicos e psicolóxicos. Unha intensidade de son alta durante demasiado tempo podería xerar problemas de perda de audición, falta de concentración e irritabilidade, por exemplo nos traballadores de fábricas ou discotecas. Se o ruido impide un descanso nocturno axeitado, ó longo prazo poden aparecer problemas cardiovasculares ou depresión. Para evitar isto haberá que empregar proteción auditiva nos traballos  e illar con muros absorbentes de son as zonas ruidosas como os aeroportos ou as carreteiras de moito tráfico. España e Xapón son os países considerados máis ruidosos do mundo, segundo medicións.