Lembremos que a auga ten un elevado calor específico co cal:

Absorbe moita cantidade de calor sen que a súa temperatura suba moito e tarda moito en arrefríar
Ao pasar de líquido a gas absorbe calor

Todo isto é importante para a vida:

Cando suamos, estamos cedéndolle o noso calor corporal á auga,e así nos refrescamos, perdemos calor, o cal é necesario para un bo funcionamento do noso corpo

Auga e suor. Wikipedia (Dominio público)
Ao evaporarse, as gotiñas de suor refrescan a nosa pel porque de novo, a nosa calor é empregada como enerxía no paso de líquido a gas.
Nos mamíferos axuda a manter a temperatura do corpo, mediante o bombeo constante do corazón ata os tecidos periféricos, xa que o compoñente máis abundante do sangue é a auga.
A humidade dos bosques é definitiva para manter con menores cambios de temperatura dito ecosistema, en comparación do que se observa nos desertos.
O mar axuda a regular a temperatura nas zonas costeiras, facendo que estas sexan máis suaves tanto en verán coma no inverno.

Tarefa

Molla o dedo índice de ambas as mans. Move un deles
e mantén quieto o outro.
a) En cal destes dedos sentes máis frío? Cal seca antes?

b) Como explicas o ocorrido?

c) Cres que a suor axuda a que non suba a temperatura do noso corpo?

a) En cal destes dedos sentes máis frío? Cal seca antes? Séntese máis frescor no dedo que se move, que tamén será o que seque antes.

b) Como explicas o ocorrido? Ao pasar do estado líquido ao gasoso, a auga absorbe calor e tómaa da superficie na que se encontra –neste caso, o dedo–. Iso é o que produce a sensación de frescor.

c) Cres que a suor axuda a que non suba a temperatura do noso corpo? Si, a suor axuda a que non suba a temperatura do noso corpo. Esa é a razón pola que a suor axuda a baixar a temperatura corporal cando esta sobe, por exemplo, ao facer exercicio. Deste modo, contribúe a manter constante a temperatura do organismo