Redacción do borrador inicial
ACTIVIDADE: Redacción borrador inicial
As cartas que propoñemos que escriba o alumnado van dirixidas aos compañeiros do centro co que estamos a facer o intercambio. A temática será libre, pero é importante que se inclúa unha descrición persoal sobre pasatempos, gustos ou motivacións. Ao mesmo tempo que tentaremos que se formulen preguntas para motivar ao alumnado receptor a responder ás nosas cartas.
Para escribir unha carta persoal hai que ter en conta varios factores
- Temos que seguir unha disposición adecuada respectando as distintas partes nas que se organiza o formato deste tipo de texto.
- A linguaxe tamén será diferente segundo a relación que se teña co destinatario (persoal, comercial, afectiva...).
- Antes de comezar a escribir a carta organizaremos as ideas principais que imos expoñer. Un guión, a modo de listado, das ideas principais pode ser unha ferramenta útil para non esquecer aquelo que queremos compartir ou transmitir.
Presta atención!
- Separa correctamente as palabras
- Fíxate na concordancia de xénero e número
- Tenta non cometer erros de ortografía
De cara a que o alumnado equilibre os esforzos en tódalas estratexias a traballar entregaráselle e darase lectura á seguinte rúbrica incluída no modelo achegado.
CRITERIOS | 3 | 2 | 1 | PUNTUACIÓN |
Formato | Diferéncianse claramente as diferentes partes dunha carta. |
Algunhas partes da carta non están ben diferenciadas. |
Non se diferencian as partes da carta. | |
Contido | A mensaxe é coherente e apropiada segundo o propósito da carta. | Á mensaxe fáltalle coherencia, segundo o propósito da carta. | Á mensaxe non é coherente con respecto ao propósito da carta. | |
Vocabulario | Utiliza vocabulario variado sen repetir palabras. | Repite algunhas palabras. | Vocabulario limitado e repetido. | |
Creatividade | O contido da carta presenta unha temática variada e orixinal. | O contido da carta presenta algún elemento orixinal. | O contido da carta non contén elementos variados ou orixinais. | |
Ortografía | A escritura das palabras é correcta. | Presenta algún erro ortográfico. | Presente multitude de erros ortográficos, algúns asociados á separación de palabras. | |
Uso social |
Valora a lingua escrita como medio de comunicación e de expresión creativa. Presenta os textos seguindo as normas básicas de presentación establecidas. |
Valora de xeito limitado a lingua escrita como medio de comunicación e expresión. Presta pouca atención ás normas de presentación establecidas. |
Non valora a lingua escrita como medio de comunicación. Non atende ás normas básicas de presentación establecidas. |
|
TOTAL: |
Licenciado baixo a Licenza Creative Commons Recoñecemento Compartir igual 4.0