O Cubismo naceu en París a comezos do século XX. Durante aquela época a capital francesa era o destino preferido daqueles que querían chegar a ser grandes artistas e dous deses eran Pablo Picasso e Georges Braque, considerados os pais do Cubismo.
Non se pode dicir que o Cubismo nacera cun programa escrito ou unhas intencións previas. Non existiu unha "escola cubista", nin tampouco un manifesto , tal e coma ocurrirá con correntes posteriores (Futurismo, Surrealismo,...). A aparición do Cubismo foi algo máis intuitivo e natural. Como dixo Picasso:

Dous feitos serviron de catalizador na irrupción do novo estilo pictórico:
O primeiro, a gran admiración dos pintores xoves pola obra de Paul Cézanne, de quen se realizou unha exposición-homenaxe en 1905. Na obra de Cézanne a natureza está organizada xeometricamente. O pintor postimpresionista dixera unha vez:

O segundo, a influencia da arte negra que coñeceron a través das exposicións organizadas en París. Picasso trasladou as máscaras africanas ao seu famoso lenzo As señoritas de Avignon.