O Cubismo é un estilo artístico, poida que o máis importante do século XX. Chamamos estilo artístico a aquela corrente artística que se produce nunha determinada época e na que podemos diferenciar unhas características propias, que a diferencian das demais. Esas características poden ter relación cos temas representados, as técnicas empregadas ou a filosofía que subxace baixo a obra artística. Así pois, podemos dicir tamén que o Cubismo é unha corrente, un movemento ou un ismo de comezos do século XX.

O término Cubismo

O nome de Cubismo debémosllo ao crítico de arte Louis Vauxcelles quen ao contemplar os cadros de Georges Braque refiriuse aos "cubos" que alí estaban pintados.

Casas en l'Estaque Georges Braque, 1908	O acueduto en l'Estaque Georges Braque, 1908