2. Contextualización curricular

Contextualización do REA na programación de materia

Os REA da área de Educación en Valores Cívicos e Éticos de 6.º de Educación Primaria están deseñados a partir da programación modelo de Proens 2022-2023, versión 1.

Os REA de Educación en Valores Cívicos e Éticos de 6.º de Educación Primaria respectan a programación modelo de Proens. Cada REA correspóndese con dúas unidades didácticas referidas a cada un dos tres bloques da área.

Nestes tres bloques preténdese facer un percorrido dende a propia persoa e a súa autonomía, analizar o papel que cumpre na sociedade e a súa responsabilidade para coas demais persoas e para rematar, pescudar sobre a responsabilidade ética e moral que temos de cara ao mundo, aos demais seres vivos e ao noso planeta.

Relación dos REA coa programación modelo de Proens

Número de REA e título	Unidade/s didáctica/s (Proens)	Criterios de avaliación traballados	% Peso Materia (Orientación de Proens)	Temporalización
REA01: "Pinceladas de emocións"	UD 1: Quen son eu?	CA1.1, CA1.2, CA1.3	33 %	11 sesións
REA01: "Pinceladas de emocións"	UD 2: Como debo actuar?	CA1.4, CA1.5	33 %	11 sesións
REA02: "Mil latexos de papel"	UD 3: Eu como son ser humano, social e democrático	CA2.1, CA2.2, CA2.3	34 %	12 sesións
REA02: "Mil latexos de papel"	UD 4: Todas as persoas somos iguais	CA2.4, CA2.5, CA2.6	34 %	12 sesións
REA03: "Sementando camiños"	UD 5: Todos os seres vivos merecemos respecto	CA3.1, CA3.2	33 %	12 sesións
REA03: "Sementando camiños"	UD 6: E eu, como podo axudar ao planeta?	CA3.3, CA3.4	33 %	12 sesións

Eixes da proposta didáctica

A proposta didáctica desenvolverá os contidos establecidos no currículo de Educación en Valores Cívicos e Éticos, baseándose nos eixes da propia área:

O enfoque principal é a aprendizaxe baseada en proxectos (ABP), que permite ao alumnado desenvolver competencias creativas no marco dunha situación de aprendizaxe significativa.

Tal e como se recolle na descrición xeral, este REA está intimamente ligado coas área de Educación Plástica e Visual, Ciencias da Natureza e Ciencias Sociais, promovendo unha situación de aprendizaxe que trata contidos relacionados cos seguintes ODS (Obxectivos de Desenvolvemento Sostible):

ODS 4. Educación de calidade.
ODS 7. Enerxía accesible e non contaminante.
ODS 12. Produción e consumo responsable.
ODS 13. Acción polo clima.
ODS14. Vida submarina.
ODS 15. Vida de ecosistemas terrestres.
ODS 16. Paz, xustiza e institucións sociais.

Os eixes principais son os seguintes:

Fomento da Competencia Lingüística: desenvolver as habilidades de comprensión e expresión en lingua galega, tanto na comunicación oral como escrita.
Aplicación do ABP: potenciar o traballo cooperativo e a resolución de problemas mediante o deseño dun produto final que combine a creatividade e a educación emocional.
Conciencia lingüística: fomentar o uso do galego en contextos creativos, valorando a súa diversidade e riqueza como parte da identidade cultural do alumnado.
Creatividade e tecnoloxía: integrar o emprego das TIC dun xeito responsable, analizando de xeito crítico as redes sociais.
Valores e competencias sociais: traballar a responsabilidade e o respecto ao medio ambiente a través do desenvolvemento dun proxecto colectivo que require a participación activa e o consenso.
Conciencia e sensibilidade co entorno natural: desenvolver actitudes de respecto co entorno e cos seres vivos que habitan nel e analizar as ameazas que lle afectan.

Contidos, obxectivos específicos e competencias clave

Este REA, en relación coa programación didáctica de referencia publicada no aplicativo de Proens para a área de Educación en Valores Cívicos e Éticos de 6.º de Educación Primaria, contextualízase nas unidades 5 e 6 e que leva por nome "Sementando camiños". É importante mencionar que o alumnado terá que integrar o aprendido nas unidades previas da programación anual.

O recurso englóbase principalmente no seguinte bloque:

Bloque 3. Desenvolvemento sostible e ética ambiental: búscase, a través do traballo interdisciplinar e cooperativo, que as alumnas e os alumnos comprendan a complexa relación entre as nosas formas de vida e a contorna, identificando os grandes problemas ecosociais que marcan a axenda mundial e debatendo acerca da forma de afrontalos e da nosa relación cos seres vivos, co obxecto de que adopten un compromiso ético e afectivo con hábitos de coexistencia sustentable coa natureza.

Contidos	Bloque da materia
Natureza humana e natureza animal: Relacións e condutas afectivas e respectuosas cara aos demais seres vivos fundamentadas en valores comúns e democráticos. Actitude humana e respectuosa coa biodiversidade. A ecodependencia, a empatía e o deber. As posibles consecuencias dunha mala praxe: As ameazas ao medio ambiente: o cambio climático, a deforestación, a desertización, a polución e a contaminación, a perda de biodiversidade. O exemplo da capa de ozono. A ética, a política e a xustiza nun planeta habitable: O ser humano como animal político na natureza: dereitos humanos da solidariedade e comportamentos éticos cara aos animais. O rexeitamento e a prevención do maltrato animal. O ser humano como un ser ético no planeta: o deber en relación co resto dos seres vivos. Prácticas responsables: valores, hábitos e actividades para o desenvolvemento racional e sustentable: O papel das persoas, colectivos e entidades comprometidas coa protección da contorna. O uso sustentable da enerxía, a produción racional de bens de consumo e a xestión dos residuos. A actitude crítica ante a contaminación e a perda de biodiversidade. A actitude responsable respecto do coidado dos animais, da valoración da auga, do aire, do solo e dos bosques e da protección do planeta.	Bloque 3

Contidos

Bloque da materia

Natureza humana e natureza animal:
- Relacións e condutas afectivas e respectuosas cara aos demais seres vivos fundamentadas en valores comúns e democráticos.
- Actitude humana e respectuosa coa biodiversidade.
A ecodependencia, a empatía e o deber. As posibles consecuencias dunha mala praxe:
- As ameazas ao medio ambiente: o cambio climático, a deforestación, a desertización, a polución e a contaminación, a perda de biodiversidade. O exemplo da capa de ozono.
A ética, a política e a xustiza nun planeta habitable:
- O ser humano como animal político na natureza: dereitos humanos da solidariedade e comportamentos éticos cara aos animais. O rexeitamento e a prevención do maltrato animal.
- O ser humano como un ser ético no planeta: o deber en relación co resto dos seres vivos.
Prácticas responsables: valores, hábitos e actividades para o desenvolvemento racional e sustentable:
- O papel das persoas, colectivos e entidades comprometidas coa protección da contorna.
- O uso sustentable da enerxía, a produción racional de bens de consumo e a xestión dos residuos.
- A actitude crítica ante a contaminación e a perda de biodiversidade.
- A actitude responsable respecto do coidado dos animais, da valoración da auga, do aire, do solo e dos bosques e da protección do planeta.

Bloque 3

No que respecta aos obxectivos, este recurso centrase nos seguintes:

Obxectivos	Descrición
OBX3	Comprender as relacións sistémicas entre o individuo, a sociedade e a natureza, a través do coñecemento e da reflexión sobre os problemas ecosociais, para comprometerse activamente con valores e prácticas consecuentes co respecto, coidado e protección das persoas e do planeta.
OBX4	Desenvolver a autoestima e a empatía coa contorna, identificando, xestionando e expresando emocións e sentimentos propios, e recoñecendo e valorando os dos outros, para adoptar unha actitude fundada no coidado e no aprecio de si mesmo, dos demais e do resto da natureza.

A continuación, inclúense os descritores das competencias clave establecidos pola normativa e relacionados coa situación de aprendizaxe.

Competencias clave	Clave dos descritores operativos
Competencia en comunicación lingüística (CCL)	CCL1, CCL2, CCL5
Competencia Plurilingüe (CP)
Competencia matemática, en ciencia, tecnoloxía e enxeñería (STEM)	STEM1, STEM5
Competencia dixital (CD)
Competencia persoal, social e de aprender a aprender (CPSAA)	CPSAA1, CPSAA2, CPSAA3
Competencia cidadá (CC)	CC2, CC3, CC4
Competencia emprendedora (CE)	CE1, CE3
Competencia en conciencia e expresións culturais (CCEC)

Licenciado baixo a Licenza Creative Commons Atribución Non-comercial Compartir igual 4.0