Esta situación de aprendizaxe ten como finalidade traballar a unidade de proporcionalidade numérica, desde un enfoque competencial a partir do deseño dunha prenda para o "Entroido" dentro da súa realidade.

Preténdese que alumnado coñeza e comprenda as magnitudes proporcionais, porcentaxes e escalas e que sexa quen de empregalas na vida real en calquera situación.

Está aliñado cos obxectivos de desenvolvemento sostible (ODS) ao tratar a relación a igualdade de xénero e o benestar. 

Ao longo das cinco fases do REA trabállanse actividades en distintos formatos para que sexan accesibles a todo o alumnado, tendo en conta en todo momento o deseño universal de aprendizaxe (DUA).

O profesorado que queira utilizar este recurso na aula terá unha nova posibilidade motivadora para a aprendizaxe das matemáticas.