Recursos materiais necesarios

Ademais do equipamento informático, é recomendable contar con: 

• Cinta métrica ou regras
• Calculadora
• Tesoiras

Proposta de agrupamentos para actividades grupais

Coas actividades grupais preténdese que o alumnado traballe de forma cooperativa e colaborativa. Cada membro do grupo terá unha responsabilidade asignada. Con isto aprenderán a coordinarse na realización de tarefas e aumentar a súa autonomía persoal. Búscase que os grupos sexan diversos e heteroxéneos, na procura do traballo en equipo, para que o alumnado aprenda a tomar decisións e accións conxuntamente, promovendo a “democracia de grupo”.

Produtos finais

O produto final será un patrón a escala dunha prenda deseñada para o "Entroido". 

Para acadar o reto o alumnado deberá seguir estes pasos: 

1. Tomar medidas reais e empregar a proporcionalidade para calcular o tamaño dun accesorio da prenda.
2. Establecer a composición de cores do tecido usando porcentaxes e convertelas en fraccións e decimais.
3. Escoller unha escala de redución para transformar todas estas medidas reais nun patrón preciso no papel.

Enfoque multinivel do reto

O reto está deseñado cun enfoque multinivel para adaptarse ás diferentes capacidades do alumnado. 

A principal característica multinivel é a peza de roupa a deseñar por parte do alumnado. Dende máis simple a máis complexo o alumnado ten a posibilidade de escoller entre deseñar unha camiseta, saia ou pantalón.

Ademais o profesorado por establecer unha forma de traballo autónoma ou guiada, ofrecendo todos o datos precisos para acadar o reto, sendo posible avaliar a execución do mesmo.