Esta situación de aprendizaxe ten como finalidade a integración dos números enteiros, as súas operacións e relacións, aplicándoos á vida cotiá do alumnado. Por iso proponse como reto final a organización dunha saída de fin de curso baseada na recadación de diñeiro. 

Búscase que sexan conscientes da necesidade de manexar os números enteiros non só no contexto económicos, senón que se presentan diferentes situacións nas que tamén interveñen os números positivos e negativos.

Como xa se indicou no apartado 2, ao referirse ao currículo, non se priman os cálculos, senón as habilidades e as competencias.

Ao longo das cinco fases do REA trabállanse actividades en distintos formatos para que sexan accesibles a todo o alumnado, tendo en conta en todo momento o deseño universal de aprendizaxe (DUA).