O REA "Al mal tiempo... buenos datos" ten coma finalidade traballar a probabilidade e a estatística básica desde un enfoque competencial tomando como fío condutor a información meteorolóxica.

O obxectivo principal é que o alumnado aprenda a identificar datos reais e a recoñecer estimacións e probabilidades feitas a partir destes datos.

O feito de introducir estes contidos empregando a web de MeteoGalicia permite contextualizar na súa contorna a información do tempo, e motivar cara unha aprendizaxe significativa e próxima.

Como xa se indicou no apartado 2, ao referirse ao currículo, non se priman os cálculos, senón as habilidades e as competencias.

Por iso, faise fincapé no uso da web, da recompilación de información, da súa comprensión, e da súa interpretación correcta, aplicada á vida diaria.