Saltar navegación

2. Contextualización curricular

Contextualización do REA na programación de materia

Este REA (Recurso Educativo Aberto) forma parte dun conxunto de 8 REA, unha proposta global para a materia de Lingua Galega e Literatura de 6º de Educación Primaria do proxecto cREAgal para conter as 9 UD (Unidades Didácticas) recollidas na programación modelo de Proens do curso 2023 – 2024  e vixente no curso 2025 – 2026.

A distribución do conxunto de REA da materia de Lingua Galega e Literatura de 6º de Educación Primaria respecta a temporalización por trimestre, a secuencia de UD e o resto dos elementos curriculares da programación modelo Proens vixente.

Relación dos REA coa programación modelo de Proens

Número de REA e título Unidade/s didáctica/s (Proens) Criterios de avaliación traballados % Peso materia (Orientación de Proens) Temporalización
REA 1: "En acción para o galego!"

UD1: "Outra vez por aquí!"

 CA1.1 - CA1.3 - CA1.5 - CA2.1 - CA2.4 - CA3.5 - CA3.6 - CA6.7 10% 16 sesións no primeiro trimestre
REA 2: "Marcando páxinas" UD2: "Somos investigadoras e investigadores"

CA1.1 - CA1.2 - CA1.3 - CA1.5 - CA2.2 - CA2.4 - CA3.1 - CA3.2 - CA3.6 - CA3.7 - CA6.1 - CA6.2 - CA6.6 - CA6.7

10%

 16 sesións no primeiro trimestre
REA 3:  "Unha paisaxe con encanto"

UD3: "Cantas cousas novas!"

 CA2.1 - CA2.3 - CA2.5 - CA3.2 - CA3.3 - CA3.4 - CA3.6 -CA3.8 -  CA4.1 - CA4.2 - CA4.3 - CA6.2 - CA6.6 10% 16 sesións no primeiro trimestre
REA 4: "O gran libro das emocións" UD4: "Os meus sentimentos" CA2.1 - CA2.5 - CA3.2 - CA3.4 - CA3.9 - CA4.5 - CA4.6 - CA5.1 - CA5.3 - CA5.4 - CA5.5 - CA5.6 - CA5.7 - CA5.9 - CA6.2 - CA6.4 - CA6.6 11% 15 sesións no segundo trimestre
REA 5: "Onde vai a nosa cultura?" UD5: “As posibilidades da lingua” CA2.3 - CA3.4 - CA4.5 - CA4.6 - CA5.2 - CA5.3 - CA5.4 - CA5.5 - CA5.6 - CA5.7 - CA5.8 - CA6.2 - CA6.6 11% 15 sesións no terceiro trimestre
REA 6: "A importancia da palabra"

UD6: "Como son?"

 CA2.5 - CA3.6 - CA3.9 - CA3.10 - CA6.2 - CA6.3 - CA6.4 - CA6.6 -  11% 16 sesións no segundo trimestre
REA 7: "Batalla de concellos!"

UD7: "Como nos entendemos!"

  CA1.4 - CA2.3 - CA2.4 - CA2.5 - CA2.8 - CA3.3 - CA3.10 - CA4.2 - CA6.6 12% 15 sesións no terceiro trimestre
REA 8: ""Ei, saio na tele!"

UD8: "Son periodista"

UD9: "Comunicámonos"

 CA2.7 - CA3.7 - CA3.10 - CA6.5 - CA6.6 - CA2.2 - CA2.4 - CA2.8 - CA3.8 - CA3.11 - CA2.7 - CA3.10 - CA6.6 - CA3.3 - CA2.6 - CA4.4 -  25% 31 sesións no terceiro trimestre

Eixes da proposta didáctica

Esta proposta didáctica está baseada na unidade 6 de Lingua Galega e Literatura para 6° de Educación Primaria. Os eixes principais son:

  • Aplicación da resolución de problemas mediante unha aprendizaxe baseada no desenvolvemento de proxectos (ABP).
  • Fomento de actitudes como a creatividade e a cooperación.
  • Desenvolvemento da conciencia de lingua e da diversidade lingüística da contorna.
  • Incorporación de estratexias relacionadas coa fala, a escoita, a lectura e a escritura.
  • Aplicar mecanismos para a transformación da información en coñecemento.
  • Colaboración na consecución dos obxectivos de desenvolvemento sostible (ODS) e á súa conexión co mundo real.
    1. En concreto con ODS5 (Igualdade de xénero) vencellado coa meta 5.1 Poñer fin a todas as formas de discriminación contra as mulleres e nenas en todo o mundo. Tamén coa meta 5.5 Asegurar a participación plena e efectiva das mulleres e a igualdade de oportunidades de liderado a todos os niveis decisorios na vida política, económica e pública.
    2. Co ODS16 (Redución das desigualdades) e máis concretamente coa meta 16.7 Garantir a adopción en todos os niveis de decisións inclusivas, participativas e representativas que respondan ás necesidades.
    3. Co ODS17 (Alianzas para lograr os obxectivos) facendo fincapé na meta 17 Tecnoloxía, que, entre outros aspectos, promove o uso de tecnoloxías ecoloxicamente racionais conectado co reto 2 que avoga polo correcto uso dos equipamentos E-Dixgal.
    4. O reto ademais posibilita que o alumnado afonde tamén noutros ODS. En función da temática escollida para os diferentes tipos de texto, con axuda do profesorado, poderíase vencellar o seu xornal con algún dos ODS.

Contidos, obxectivos específicos e competencias clave

Este REA, correspóndese coa unidade didáctica 6 (Como son?), da aplicación Proens para a materia de Lingua Galega e Literatura de 6º de Educación Primaria. 

O recurso aborda os contidos presentes no Bloque 2: Comunicación oral, no Bloque 3: Comunicación escrita e no Bloque 6: Reflexión sobre a lingua e os seus usos no marco de proposta de produción e comprensión de textos orais, escritos ou multimodais.

Os contidos da materia que se recollen neste REA son:

Contidos Bloque da materia
  • Procesos: interacción oral
    • Estratexias para a utilización da linguaxe oral como instrumento de comunicación e aprendizaxe: escoitar, recoller datos, preguntar, exposición de ideas e para a identificación e interpretación do sentido global do texto e de integración da información explícita de textos orais e multimodais sinxelos.
  • Procesos: interacción oral:
    • Participación activa en situacións de comunicación, espontáneas e dirixidas, utilizando un discurso coherente, ordenado e lóxico, construíndo o discurso de acordo coas necesidades comunicativas de cada situación, valorando as normas que rexen a interacción oral, e mobilizando a empatía na escoita e na expresión para transmitir necesidades, vivencias e emocións propias e alleas.
 Bloque 2
  • Xéneros discursivos:
    • Estratexias para a adquisición de destrezas sobre xéneros discursivos propios do ámbito persoal, social e educativo. Contido e forma. Redes sociais e os seus riscos.
    • Construción do pensamento crítico a través da lingua para evitar a discriminación.
  • Procesos: produción escrita:
    • Elementos gráficos e paratextuais que faciliten a organización e comprensión do texto.
    • Valoración da propia produción escrita, así como a produción escrita dos seus compañeiros e compañeiras.
 Bloque 3
  • Modalidades oracionais en relación coa intención comunicativa.
  • Estratexias para o establecemento de xeneralizacións sobre aspectos lingüísticos elementais na estrutura do galego, prestando especial atención ao valor expresivo dos determinantes e ás relacións fundamentais entre os esquemas semántico e sintáctico da oración simple, a partir de metalinguaxe específica elemental.
  • Mecanismos léxicos elementais para a adquisición de vocabulario a través da formación de palabras e enunciados.
  • Estratexias de revisión e modificación de textos para mellorar a súa comprensión a través do uso de recursos lingüísticos apropiados.
 Bloque 6

Os obxectivos da materia que se traballan neste REA son os que seguen:

Obxectivos Descrición
OBX 3 Producir textos orais e multimodais con coherencia, claridade e rexistro adecuados para expresar ideas, sentimentos e conceptos; construír coñecemento; establecer vínculos persoais; e participar con autonomía e unha actitude cooperativa e empática en interaccións orais variadas
OBX 5 Producir textos escritos e multimodais, con corrección gramatical e ortográfica básicas, seriando correctamente os contidos e aplicando estratexias elementais de planificación, textualización, redacción, revisión e edición para construír coñecemento e para dar resposta a demandas comunicativas concretas.
OBX 9 Reflexionar de forma guiada sobre a linguaxe a partir de procesos de produción e comprensión de textos en contextos significativos, utilizando a terminoloxía elemental adecuada para iniciarse no desenvolvemento da conciencia lingüística e para mellorar as destrezas de produción e comprensión oral e escrita.
OBX 10 Pór as propias prácticas comunicativas ao servizo da convivencia democrática utilizando unha linguaxe non discriminatoria e detectando e rexeitando os abusos de poder a través da palabra para favorecer un uso non só eficaz senón tamén ético da linguaxe.

A continuación inclúense os descritores das competencias clave que marca a normativa vixente e que son traballadas neste recurso.

Competencias clave Clave dos descritores operativos
Competencia en comunicación lingüística (CCL) CCL1, CCL 2, CCL3, CCL5
Competencia plurilingüe (CP) CP2, CP3
Competencia matemática e competencia en ciencia, tecnoloxía e enxeñaría (STEM) STEM1, STEM2
Competencia dixital (CD) CD2, CD3
Competencia persoal, social e de aprender a aprender (CPSAA) CPSAA5
Competencia cidadá (CC) CC1, CC2, CC3
Competencia emprendedora (CE) CE1

Feito con eXeLearning (Nova xanela)