Temporalización do REA
Este REA está formado polas unidades didácticas 1 publicadas en PROENS para a materia de Lingua Galega e Literatura de 6º de Educación Primaria. En total está pensado para desenvolver ao longo de 16 sesións ao longo do primeiro trimestre.
A continuación inclúese unha estimación da temporalización recomendada para cada fase deste recurso:
| Fase | Seccións | Para que? | Temporalización |
|---|---|---|---|
|
1. O galego corre perigo! (Mobilizar) |
1.1. O noso idioma 1.2. A nosa axuda |
Sesión de motivación e presentación da tarefa. Presentación da problemática e do tema central, o galego. | 1 sesión |
|
2. E ti, como o vés? (Activar e recordar) |
2.1. Que linguas hai? 2.2. Canto sei do galego? 2.3. Que sei para axudar? 2.4. Recordas todo isto? |
Sesión de revisión e activación de coñecementos previos nesta e noutras materias | 2 sesións |
|
3. Que está pasando co galego? (Explorar, revisar e estruturar) |
3.1. Como o estamos tratando? 3.2. E ti, como te comunicas? 3.3 Como nos comunicamos? 3.4. Escribimos na nosa lingua 3.5. Como poden ser as palabras? 3.6. A nosa historia |
Sesións con actividades informativas e interactivas utilizando como fío condutor o galego. Empregando o galego trabállanse diferentes aspectos gramaticais do currículo. As actividades están deseñadas para crear interese no alumnado dende a perspectiva do “aprender pensando”. O alumnado é o protagonista nos procesos de ensino-aprendizaxe. Inclúe sesións con actividades interactivas multinivel e opcións diferentes para garantir a consecución das actividades. Foméntase a reflexión metacognitiva do alumnado a través de procedementos dedutivos do pensamento. Utilizase o diario de aprendizaxe con canle e guía para eses procesos. |
6 sesións |
|
4. Cámara, acción e moita imaxinación! (Aplicar e comprobar) |
4.1. Pasos a seguir! 4.2. Reto 1: Crea un guión 4.3. Reto 2: Elaboración de personaxes e escenarios 4.4. Reto 3: Storyboard 4.5. Reto final: Manexo da aplicación 4.6. Avaliación 4.7. Reflexión |
Sesións dirixidas á realización dos retos propostos, que pretenden dar solución a problemática do galego. Implican a creación colectiva e o traballo en grupo. | 6 sesións |
|
5. Conclusións (Concluír e comunicar) |
5.1. Compartimos o noso reto |
Sesións vinculadas á presentación dos resultados e produtos obtidos nos retos da fase 4. Realízase a través da auto-reflexión, individual e en grupo, sobre a utilidade do aprendido e a exposición dos resultados ao resto da comunidade educativa. | 1 sesión |