Recursos materiais necesarios

Para desenvolver o REA precisamos:

• recursos dixitais: ordenador/tablet, conexión a internet...
• físicos: caderno...

O REA dispón de:

• "Material descargable" para que o alumnado dispoña dos materiais nun só documento de consulta.
• "Diario de aprendizaxe" como ferramenta de reflexión individual e grupal.

Proposta de agrupamentos para actividades grupais

• Deben ser de 3 ou 4 membros (poderíase alterar este número segundo o aspecto que se queira reforzar en actitude, pero sempre é mellor grupos pequenos).
• Preferiblemente heteroxéneos.
• Os grupos deben ter interdependencia positiva e debe existir unha responsabilidade individual e grupal. O profesorado decidirá o papel que debe desempeñar cada un dos integrantes do grupo.
• No obradoiro de poesía cada un terá un poemario final que recolla os textos elaborados na FASE 1, 2 e 3.
• Cada grupo traballará sobre un país lusófono, dos que se recollen na FASE 3, para crear un podcast.

Produtos finais

• Un poemario que recompile os textos elaborados no obradoiro de poesía e que se especifica na FASE 4.
• Un podcast sobre un país lusófono que recolla todos os puntos especificados na FASE 4.

Enfoque multinivel do reto

O REA contempla actividades de multinivel para ter en conta a diversidade da aula.

O poemario e o podcast final seguirán unha estrutura ou outra segundo o nivel de traballo, o interese do alumnado e o gusto persoal.

Lusofonía

Como neste REA se traballa a Lusofonía é conveniente que o profesorado, seguindo as recomendacións de PROENS, seleccione fragmentos de diferentes autoras e autores do mundo lusófono para ler na aula e que o alumnado se familiarice dun xeito práctico coa súa literatura.

Avaliación

Os instrumentos de avaliación que presenta o REA son:

• Informe de progreso
• Rúbricas
• Lista de cotexo
• Observación directa