Eixes da proposta didáctica e ODS

Esta proposta didáctica baséase nos eixes da materia de Lingua galega e literatura de 1º de ESO e fai fincapé nos seguintes aspectos para a adquisición de competencias, contidos e destrezas:

A través do reto da posta en escena de Os vellos non deben de namorarse, preténdese que o alumnado adquira os coñecementos e competencias lingüísticas e comunicativas específicas e as metas de aprendizaxe indicadas. Polo tanto, é unha formación práctica.
Combínase o traballo cooperativo e grupal co individual, as actividades multinivel e as tarefas interactivas a través do ordenador coas non interactivas no caderno.
Trabállase a comunicación oral e escrita.
Foméntase a creatividade a través da produción de contidos propios.

Ademais, de maneira transversal, nesta proposta didáctica trabállanse algúns aspectos de cara a avanzar en obxectivos de desenvolvemento sostible (ODS), como poden ser:

ODS 4: Garantir unha educación inclusiva, equitativa e de calidade e promover oportunidades de aprendizaxe durante toda a vida para todos e para todas.
ODS 5: Lograr a igualdade entre os xéneros e empoderar a todas as mulleres e nenas.
ODS 16: Promover sociedades xustas, pacíficas e inclusivas.

Contidos, obxectivos específicos e competencias clave

Este REA, en relación coa programación didáctica de referencia publicada no Proens para a materia de Lingua galega e literatura de 1º da ESO, contextualízase na unidade 9 (A xoaniña).

No recurso trabállanse contidos dos bloques de contidos da programación 2 e 3: "Comunicación" e "Educación literaria" (non se traballan, polo tanto, contidos correspondentes aos bloques "A lingua e os seus falantes" nin "Reflexión sobre a lingua").

Contidos	Bloque da materia
Procesos de produción, comprensión e análise crítica de textos orais, escritos e multimodais. Produción oral formal: planificación e procura de información, textualización e revisión. Adecuación á audiencia e ao tempo de exposición. Elementos non verbais. Trazos discursivos e lingüísticos da oralidade formal..	Bloque 2
Lectura autónoma. Implicación na lectura de obras de maneira progresivamente autónoma a partir dunha preselección de textos variados e reflexión sobre os textos lidos e sobre a propia práctica de lectura. Expresión da experiencia lectora, con apoio de exemplos e utilizando progresivamente unha metalinguaxe específica. Apropiación dos textos lidos a través de distintas formas de recreación. Lectura guiada. Lectura de obras relevantes da literatura xuvenil contemporánea galega e do patrimonio literario lusófono, inscritas en itinerarios temáticos ou de xénero, que atravesan épocas, contextos culturais e movementos artísticos. Relación e comparación dos textos lidos con outros textos, con outras manifestacións artísticas e coas novas formas de ficción en función de temas, tópicos, estruturas e linguaxes. Lectura expresiva, dramatización e recitación de textos sinxelos atendendo aos procesos de comprensión, apropiación e oralidade implicados.	Bloque 3

Contidos

Bloque da materia

Procesos de produción, comprensión e análise crítica de textos orais, escritos e multimodais.
- Produción oral formal: planificación e procura de información, textualización e revisión. Adecuación á audiencia e ao tempo de exposición. Elementos non verbais. Trazos discursivos e lingüísticos da oralidade formal..

Bloque 2

Lectura autónoma. Implicación na lectura de obras de maneira progresivamente autónoma a partir dunha preselección de textos variados e reflexión sobre os textos lidos e sobre a propia práctica de lectura.
- Expresión da experiencia lectora, con apoio de exemplos e utilizando progresivamente unha metalinguaxe específica. Apropiación dos textos lidos a través de distintas formas de recreación.
Lectura guiada. Lectura de obras relevantes da literatura xuvenil contemporánea galega e do patrimonio literario lusófono, inscritas en itinerarios temáticos ou de xénero, que atravesan épocas, contextos culturais e movementos artísticos.
- Relación e comparación dos textos lidos con outros textos, con outras manifestacións artísticas e coas novas formas de ficción en función de temas, tópicos, estruturas e linguaxes.
- Lectura expresiva, dramatización e recitación de textos sinxelos atendendo aos procesos de comprensión, apropiación e oralidade implicados.

Bloque 3

Tendo en conta o anterior, este recurso céntrase principalmente nos seguintes obxectivos da materia:

Obxectivos	Descrición
OBX3	Producir textos orais e multimodais con coherencia e fluidez e co rexistro adecuado, atendendo ás convencións propias dos diferentes xéneros discursivos, e participar en interaccións orais con actitude cooperativa e respectuosa, tanto para construír coñecemento e establecer vínculos persoais como para intervir de maneira activa e informada en diferentes contextos sociais.
OBX4	Comprender, interpretar e valorar textos escritos, con sentido crítico e diferentes propósitos de lectura, recoñecendo o sentido global e as ideas principais e secundarias, identificando a intención do emisor, reflexionando sobre o contido e a forma, avaliando a súa calidade e fiabilidade para dar resposta ás necesidades e aos intereses comunicativos diversos e para construír coñecemento.
OBX8	Ler, interpretar e valorar obras ou fragmentos literarios do patrimonio galego, portugués e universal, utilizando unha metalinguaxe específica e mobilizando a experiencia biográfica e os coñecementos literarios e culturais que permitan establecer vínculos entre textos diversos e con outras manifestacións artísticas, para conformar un mapa cultural, ampliar as posibilidades de gozo da literatura e crear textos de intención literaria.
OBX9	Mobilizar o coñecemento sobre a estrutura da lingua e os seus usos e reflexionar de maneira progresivamente autónoma sobre as eleccións lingüísticas e discursivas, coa terminoloxía axeitada, para desenvolver a conciencia lingüística, aumentar o repertorio comunicativo e mellorar as destrezas tanto de produción oral e escrita como de recepción crítica.

As competencias clave e os descritores operativos traballados son:

Competencias clave	Clave dos descritores operativos
Competencia en comunicación lingüística (CCL)	CCL1, CCL2, CCL3, CCL4, CCL5
Competencia plurilingüe (CP)	CP2
Competencia cidadá (CC)	CC1, CC2, CC3
Competencia en conciencia e expresión culturais (CCEC)	CCEC1, CCEC2, CCEC3, CCEC4
Competencia matemática e competencia en ciencia, tecnoloxía e enxeñaría (STEM)	STEM1, STEM4
Competencia dixital (CD)	CD1, CD2, CD3
Competencia emprendedora (CE)	CE1
Competencia persoal, social e de aprender a aprender (CPSAA)	CPSAA4, CPSAA5