Saltar navegación

2. Contextualización curricular

Contextualización do REA na programación de materia

Este REA forma parte da proposta cREAgal para a materia de Educación Física de 6º de Educación Primaria O seu deseño parte da programación modelo publicada por Proens e vixente en xuño de 2024, a cal se achega en formato PDF para facilitar a súa consulta e garantir a coherencia coa planificación curricular.

Na proposta de REA de cREAgal agrúpanse dúas unidades didácticas en cada un dos REA, configurando unha secuencia coherente ao longo do curso. A planificación completa inclúe un total de catro REA, cunha distribución que se indica na táboa. 

Relación dos REA coa programación modelo de Proens

Número de REA e título

Unidade/s didáctica/s (Proens)

Criterios de avaliación traballados

% Peso Materia (Orientación de Proens)

Temporalización

REA 1: "Un plan perfecto"

UD1: Somos un equipo

UD2: Actívate

CA1.1, CA1.2, CA1.3, CA1.4, CA2.1, CA2.2, CA2.3, CA2.6, CA4.3, CA4.4, CA4.5

18

1º trimestre

REA 2: "Unha viaxe inesperada"

UD 3: xogos de sempre

UD 4: expresa-T

CA1.5, CA1.6, CA2.4, CA2.5, CA3.2, CA3.3, CA3.4, CA4.3, CA5.2, CA5.3, CA5.5, CA5.6, CA5.7, CA6.2

22

1º trimestre

REA 3: "A nosa Cooperation League"

UD 5: Espírito olímpico

UD 6: Xogamos en equipo

CA1.5, CA1.7, CA3.1, CA3.2, CA4.2, CA4.4, CA4.6, CA5.1

30

2º trimestre

REA 4: "Contornas diferentes, deportistas referentes"

UD 7: Deportes Paratodos

UD 8: A contorna

CA1.6, CA2.2, CA3.1, CA3.2, CA3.3, CA3.5, CA4.1, CA4.3, CA5.4, CA5.6, CA6.1, CA6.3, CA6.4, CA6.5

30

3º trimestre

Eixes da proposta didáctica

A área de Educación Física fundaméntase na adquisición das capacidades que contribúan ao desenvolvemento persoal e a unha mellor calidade de vida. É unha área que se dirixe ao coñecemento progresivo da conduta motora e á adquisición de actitudes, valores e normas referentes ao corpo e ao movemento.

Esta área participa tamén na consecución de diversos fins educativos na Etapa de Educación Primaria: a socialización, a autonomía, aprendizaxes básicas e mellora das posibilidades expresivas, cognitivas, comunicativas e lúdicas. A Educación Física está especialmente indicada para integrar todo tipo de alumnado e resulta idónea para o tratamento da diversidade na aula, fomenta a coeducación e promove a igualdade de oportunidades para ámbos os sexos.

Debemos lembrar que a Educación Física non é unha simple aprendizaxe de movementos, senón un camiño cara á educación integral e que utiliza o movemento como axente pedagóxico con diversas funcións: de coñecemento, de organización perceptiva, anatómico-funcional, estético-comunicativa, de relacións persoais, agonística, hixiénica, hedonista, de compensación e catártica.

Este REA contribúe a uns dos obxectivos principais da área: aprender a xestionar as súas emocións e as súas habilidades sociais en contextos da práctica motriz, recoñecendo diferentes manifestacións da cultura motriz, como parte relevante do patrimonio cultural, expresivo e artístico, que poden converterse en obxecto de gozo e aprendizaxe.

Para abordar con posibilidades de éxito as numerosas situacións motrices ás que se verá exposto o alumnado ao longo da súa vida, será preciso desenvolver, de maneira integral, capacidades de carácter cognitivo e motor, pero tamén afectivo-motivacionais, de relacións interpersoais e de inserción social. Deste xeito, o alumnado terá que aprender a xestionar as súas emocións e as súas habilidades sociais en contextos de práctica motriz.

"A nosa Cooperation League" conecta con varios dos Obxectivos de Desenvolvemento Sostible (ODS), xa que incide en aspectos clave relacionados ca educación, ca saúde e o benestar e os valores sociais. A continuación explicase de forma resumida esta relación:

  • ODS 3 - Saúde e benestar: fomentase a realización de actividade física a través do atletismo, o balonmán e o floorball, promovendo estilos de vida saudable. Ademais téntase reducir os conflitos sociais que xorden nas competicións deportivas fomentando valores coma a cooperación e o xogo limpo. 
  • ODS 4 - Educación de calidade: ao ser un recurso educativo aberto (REA) democratiza o acceso a materiais pedagóxicos innovadores que melloran o desenvolvemento integral do alumnado, tanto a nivel físico coma mental e social.
  • ODS 16 - Paz, xustiza e institucións sólidas: o enfoque cooperativo da liga, a repartición de roles diversos dentro do equipo e a maneira de resolver os conflitos á hora de competir de forma conxunta e pacífica primando o fair play por enriba do resultado, reflicte, de forma clara, a relación con este obxectivo.

Contidos, obxectivos específicos e competencias clave

O marco curricular que abrangue a esta situación de aprendizaxe relacionase directamente coas unidades didácticas número 5: Espírito olímpico e a unidade 6: Xogamos en equipo, que corresponden á programación modelo de 6º de Primaria proposta para a área de Educación Física na aplicación PROENS da Consellería de Cultura, Educación, Formación Profesional e Universidades na Comunidade Autónoma de Galicia.

A continuación expóñense os contidos específicos traballados dentro do recurso:

Contidos Bloque da materia
  • C1.2-Saúde social
    • C1.2.3-Deporte profesional: dimensión social.
    • C1.2.4-Aceptación de distintas tipoloxías corporais para practicar, en igualdade, diversidade de actividades físico-deportivas.
    • C1.2.5-Estereotipos corporais, de xénero e competencia motriz.

Bloque 1
  • C3.1-Toma de decisións:
    • C3.1.1-Adecuación de accións para o axuste espazo-temporal na interacción cos compañeiros en situacións cooperativas.
    • C3.1.2-Selección de accións en función da contorna en situacións motrices individuais.
    • C3.1.3-Selección de zonas de envío do móbil desde onde sexa difícil devolvelo, en situacións motrices de persecución e de interacción cun móbil.
    • C3.1.4-Elección adecuada das habilidades motrices en situacións de oposición de contacto.
    • C3.1.5-Desmarque e localización nun lugar desde o que constitúa un apoio para os demais en situacións motrices de colaboración-oposición de persecución e de interacción cun móbil.
  • C3.2-Esquema corporal:
    • C3.2.2-Estruturación espacial, percepción de obxectos e de distancias, orientación, percepción e interceptación de traxectorias, agrupamento-dispersión e transposición.
    • C3.2.3-Estruturación temporal e espazo-temporal e percepción de duracións, de velocidade, de intervalos, de estruturas e de ritmo.
    • C.3.2.4-Dominio e control motor en situacións complexas e descoñecidas.
  • C3.3-Capacidades condicionais: capacidades físicas básicas e resultantes (coordinación, equilibrio e axilidade).
  • C3.4-Iniciación das habilidades motrices específicas asociadas á técnica en actividades físico-deportivas: aspectos
    principais.
  • C3.5-Creatividade motriz: identificación de estímulos internos ou externos que esixan un reaxuste instantáneo da acción motriz.

Bloque 3
  • C4.1-Xestión emocional: autoestima, ansiedade e situacións motrices. Estratexias de afrontamento e xestión.
  • C4.2-Autonomía e autoconfianza: aumento da autonomía persoal, mellora e afianzamento da confianza en si mesmo e nos demais durante a práctica motriz.
  • C4.3-Habilidades sociais: estratexias de traballo en equipo para a resolución construtiva de conflitos nas diversas situacións motrices.
  • C4.4-Concepto de fairplay ou xogo limpo.
  • C4.5-Identificación e rexeitamento de condutas contrarias á convivencia en situacións motrices (discriminación por
    cuestións de xénero, de capacidade, de competencia motriz; actitudes xenófobas, racistas ou de índole sexista;
    abuso sexual ou calquera forma de violencia).

Bloque 4
  • C5.5-Deporte e perspectiva de xénero: sexismo no deporte amador e profesional.
  • C5.6-Deportes olímpicos e paralímpicos, historia e institucións asociadas aos xogos olímpicos e paralímpicos.

Bloque 5

Obxectivos da materia traballados especificamente no REA:

Obxectivos Descrición
OBX 1

Adoptar un estilo de vida activo e saudable, practicando regularmente actividades físicas e deportivas e adoptando comportamentos que potencien a saúde física, mental e social, así como medidas de responsabilidade individual e colectiva durante a práctica motriz para interiorizar e integrar hábitos de actividade física sistemática que contribúan ao benestar.
OBX 3

Desenvolver procesos de autorregulación e interacción no marco da práctica motriz, con actitude empática e inclusiva, facendo uso de habilidades sociais e actitudes de cooperación, respecto, traballo en equipo e deportividade, con independencia das diferenzas etnoculturais, sociais, de xénero e de habilidade dos participantes, para contribuír á convivencia social e ao compromiso ético nos diferentes espazos en que se participa.
OBX 4

Recoñecer e practicar diferentes manifestacións lúdicas, físico-deportivas e artístico-expresivas propias da cultura motriz, valorando a súa influencia e as súas achegas estéticas e creativas á cultura tradicional e contemporánea, para integralas nas situacións motrices que se utilizan regularmente na vida cotiá.
OBX 5

Valorar diferentes medios naturais e urbanos como contextos de práctica motriz, interactuando con eles, comprendendo a importancia da súa conservación desde un enfoque sustentable e adoptando medidas de responsabilidade individual durante a práctica de xogos e actividades físico-deportivas, para realizar unha práctica eficiente e respectuosa coa contorna e participar no seu coidado e mellora.

Competencias clave e os descritores operativos traballados:

Competencias clave Clave dos descritores operativos
COMPETENCIA EN COMUNICACIÓN LINGÜÍSTICA (CCL)

CCL 1 e CCL 5
COMPETENCIA PLURILINGÜE (CP)

CP3
COMPETENCIA MATEMÁTICA E COMPETENCIA EN CIENCIA, TECNOLOXÍA E ENXEÑARÍA (STEM)

STEM 1, STEM 2 e STEM 5
COMPETENCIA DIXITAL (CD)

CD 3
COMPETENCIA PERSOAL, SOCIAL E DE APRENDER A APRENDER (CPSAA)

CPSAA 1, CPSAA 2, CPSAA 3, CPSAA 4 e CPSAA 5
COMPETENCIA CIDADÁ (CC)

CC 2, CC 3 e CC4
COMPETENCIA EMPRENDEDORA (CE)

CE1 e CE 3
COMPETENCIA  EN CONCIENCIA E EXPRESIÓN CULTURAIS (CCEC)

CCEC 1, CCEC 2, CCEC 3 e CCEC 4.

Feito con eXeLearning (Nova xanela)