Temporalización do REA

Esta unidade está pensada para realizar en 9 sesións e, segundo a programación didáctica de referencia publicada en PROENS para a materia de "Xeografía e Historia" de 2º de ESO, englóbase no segundo trimestre.

A continuación inclúese unha Táboa na que se relacionan as diferentes fases da situación de aprendizaxe do REA do alumnado co número de sesións previstas para cada unha delas e cunha breve descrición do traballo a desenvolver en cada fase:

Fase	Seccións	Descrición do traballo a desenvolver	Temporalización
1. Arrancade: sodes xornalistas!	Arrancade: sodes xornalistas!	Sesión de motivación e presentación da tarefa.	1 sesión
2. Poderedes? A repasar	2.1. No medio de que? 2.2. Virán sempre tempos mellores?	Sesións de revisión e activación de coñecementos previos	1 sesión
3. A aprender moito máis: para escribir hai que saber	3.1. As crises 3.2. Consecuencias: a crise produce cambios.	Sesións con actividades informativas e interactivas sobre a Baixa Idade Media. Están deseñadas para crear interese no alumnado dende a perspectiva de “aprender pensando”. O alumnado é o protagonista nos procesos de ensino-aprendizaxe. Inclúe actividades interactivas multinivel deseñadas para facilitar a comprensión dos contidos introducidos e preparar ao alumnado para a resolución do reto formulado na situación de aprendizaxe, nun proceso que fomenta a súa autonomía e capacidade de autoaprendizaxe.	3 sesións
4. Reto final: eses artigos son nosos	Reto final	Sesións dirixidas á realización do reto proposto, consistente na elaboración dun informe a un monarca para que poda recoñecer os problemas que asolan ao seu reino. Con esta actividade final que o alumnado debe activar e aplicar a situación real os coñecementos adquiridos nas fases previas da unidade.	3 sesións
5. Estamos chegando. E… aprendiches moito?	Estamos chegando. E… aprendiches moito?	Sesión dedicada á exposición da aula do produto final por parte dos distintos grupos de traballo, e posta en común das valoracións sobra o aprendido.	1 sesión