O REA "El Mathington Post" fai un percorrido polos sentidos alxébrico e socioafectivo que corresponden ao curso de 2º da ESO.

O fío condutor son os artigos periodísticos que se publican nun periódico ficticio chamado "El Mathington Post". A través dos artigos os publicados neste periódico os estudantes traballan conceptos básicos de funcións e en particular, da función lineal e cadrática. Finalmente converteranse eles mesmos en redactores do periódico e aplicarán o aprendido. 

O REA ten cinco fases ben diferenciadas:

1. Descrición: "Periodistas en el siglo XXI"
2. Exploración: "En prácticas"
3. Conexión: "En la redacción"
4. Reto final: "Vuestro artículo"
5. Conclusión: "En los kioscos"

Na fase 1 é onde se describe o reto a acadar (creación dun artigo periodístico) e tamén onde se crean os grupos de traballo. Esta fase é motivacional e integradora. Moi enfocada cara ao sentido socioafectivo.

Na fase 2 repásanse os principais coñecementos abordados no curso anterior sobre coordenadas.

Na fase 3 introdúcense novos contidos como o concepto de función, a función lineal e cadrática; todos eles nun contexto periodístico con actividades de maior ou menor complexidade, para resolver de xeito individual e grupal.

Na fase 4 ponse en práctica todo o aprendido na redacción dun artigo periodístico.

Na fase 5 ponse en valor o aprendido compartíndoo con toda a clase.

O substrato do REA

A idea do REA é traballar a competencia matemática proporcionando ao alumnado situacións reais e variadas, nun contexto periodístico, nos que as funcións aparezan como instrumentos útiles e potentes para modelar e analizar a realidade. 

A intención das persoas elaboradoras do REA é a de visualizar a conexión entre matemáticas e realidade, fomentar a creatividade, o análise crítico e o traballo en equipo.

A dificultade do reto final (elaboración dun artigo periodístico) vai depender da complexidade da función que escollan para modelar o tema tratado no artigo.

É importante que a persoa docente faga as orientacións oportunas para que cada equipo teña un reto acorde ao seu nivel.