Moitas das tarefas que se expoñen no REA, non especifican exactamente os procedementos ou instrumentos que o alumnado deberá utilizar para acadar o resultado óptimo, desta forma preténdese manter unha neutralidade nos condicionantes tecnolóxicos para o profesorado, e que sexa a propia persoa docente a que determine as ferramentas ou o formato máis adecuado para realizar as tarefas. Como docentes debemos considerar que é mellor para o noso proceso de ensinanza-aprendizaxe en cada momento.

O REA deseñouse para que as posibles limitacións de equipamento tecnolóxico nos centros educativos non condicionara a posta en marcha deste proxecto. 

Debemos de considerar tres procedementos de realización das tarefas:

• Analóxico: con uso de materiais habituais nas aulas como poden tesoiras, cartolina, material de escritura etc.
• Dixital offline: con uso de equipos tecnolóxicos pero sen posibilidade de conexión a Internet (OpenOffice: Writer, Draw, Impress. Inkscape. Gimp, Scratux...)
• Dixital online: uso plataformas e servizos online (Agueiro, Moodle, Makecode, Youtube...).

Nas recomendacións de uso ofrécese máis información e propostas de traballo para os procedementos anteriores.