Criterios de avaliación e mínimos de consecución
A continuación móstrase a distribución dos criterios de avaliación, mínimos de consecución, tipos de instrumentos e o seu peso (%) para cada unha das unidades que se corresponden coa proposta de PROENS e que se traballan nesta situación de aprendizaxe.
Neste caso, ao abordar dúas unidades no REA proposto, débese revisar e comprobar ca vosa programación o peso final na avaliación que se terá en conta.
| Códigos CA: descrición dos criterios de avaliación | Mínimos de consecución | Instrumentos de avaliación | Unidade didáctica (Proens) | % (Orientación de Proens) |
|---|---|---|---|---|
| CA1.1: Formular preguntas e realizar predicións razoadas sobre un tema específico relacionado co medio natural a través da observación. | Formular preguntas e realizar predicións razoadas a través da observación. | TI | Unidade 1: O noso corpo | 10% |
| Unidade 2: Móvete! | 5% | |||
| CA1.2: Buscar, seleccionar e contrastar información, de diferentes fontes seguras e fiables, adquirindo léxico científico básico, utilizándose en investigacións relacionadas co medio natural. | Buscar, seleccionar e contrastar información de forma guiada, adquirindo léxico científico básico para as súas investigacións. | TI | Unidade 1: O noso corpo | 10% |
| Unidade 2: Móvete! | 5% | |||
| CA1.3: Deseñar e realizar experimentos guiados, de forma individual ou en equipo, utilizando diferentes técnicas de indagación e modelos, empregando os instrumentos e dispositivos apropiados de forma segura, rexistrando correctamente as observacións e medicións realizadas. | Deseñar e realizar experimentos de maneira guiada, empregando instrumentos e dispositivos apropiados de forma segura e rexistrando datos sinxelos. | TI | Unidade 1: O noso corpo | 10% |
| Unidade 2: Móvete! | 5% | |||
| CA1.4: Analizar a información e os resultados obtidos, comunicando as conclusións das investigacións utilizando unha linguaxe científica e explicando os pasos seguidos. | Analizar e comunicar os resultados das investigacións a través de diferentes formatos, utilizando unha linguaxe apropiada. | TI | Unidade 1: O noso corpo | 10% |
| Unidade 2: Móvete! | 5% | |||
| CA2.1: Coñecer a morfoloxía externa e interna do corpo, identificando os aparellos e órganos implicados na realización das funcións vitais. | Coñecer a morfoloxía xeral do corpo identificando os aparellos implicados na realización das funcións vitais. | PE | Unidade 1: O noso corpo | 40% |
| Unidade 2: Móvete! | 30% | |||
| CA2.2: Adoptar hábitos de vida saudables valorando a importancia dunha alimentación variada, equilibrada e sustentable, o exercicio físico, o contacto coa natureza, o descanso, a hixiene e a prevención de accidentes e enfermidades. | Adoptar hábitos de vida saudables para previr accidentes e enfermidades: alimentación, hixiene, exercicio físico e descanso axeitado. | PE | Unidade 2: Móvete! | 20% |
| CA2.3: Identificar actitudes que fomenten o benestar emocional e social, fomentando relacións afectivas saudables e reflexionando sobre o uso adecuado de novas tecnoloxías e a xestión do tempo libre. | Identificar actitudes afectivas saudables e reflexionar sobre o uso das tecnoloxías en relación ó tempo libre. | TI | Unidade 2: Móvete! | 20% |
| CA4.1: Utilizar recursos dixitais de acordo coas necesidades do contexto educativo de forma segura e eficiente, buscando información, comunicándose e traballando de forma individual, en equipo e en rede, reelaborando e creando contidos dixitais sinxelos. | Utilizar dispositivos e recursos dixitais para a busca de información e creación de contidos dixitais sinxelos. | TI | Unidade 1: O noso corpo | 10% |
| Unidade 2: Móvete! | 5% | |||
| CA4.3: Deseñar posibles solucións aos problemas expostos de acordo con técnicas sinxelas de pensamento de deseño e pensamento computacional, mediante estratexias básicas de xestión de proxectos cooperativos. | Deseñar posibles solucións a través de proxectos sinxelos e básicos de pensamento computacional. | TI | Unidade 1: O noso corpo | 10% |
| Unidade 2: Móvete! | 5% | |||
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||