Este REA axústase ás seguintes Unidades Didácticas — UD 3 “O clima” e UD 4 “Vida sustentable” — da programación didáctica de referencia publicada en Proens (curso 2023-2024, na súa primeira edición) para o 5º curso de Educación Primaria na materia de Ciencias Sociais.
Pola súa temporalización, despois do traballo sobre o planeta Terra e a súa representación nas anteriores unidades didácticas, preténdese facer unha análise da situación actual do planeta e do seu futuro.
O recurso englóbase fundamentalmente nos bloques de contido 1. Ciencia e Tecnoloxía e 2. O mundo e o desenvolvemento sostible, que abarcan os climas, o cambio climático, o desenvolvemento e a vida sustentables ou a seguridade viaria, así coma a investigación científica e os instrumentos e recursos a aplicar na mesma, ou as profesións STEM, e a súa cabida na sociedade actual. Podemos tamén falar do bloque de contidos 3. Vivir en sociedade, ao introducir a resolución pacífica e dialogada de conflitos.
| Contidos |
Bloque da materia |
|
C1.1 - Fases da investigación científica (observación, formulación de preguntas e predicións, planificación e realización de experimentos, recollida e análises de información e datos, comunicación de resultados...).
C1.2 - Instrumentos e dispositivos apropiados para realizar observacións e medicións precisas de acordo coas necesidades da investigación.
C1.3 - Terminoloxía propia da área e vocabulario científico básico relacionado coas diferentes investigacións.
C1.4 - Fomento da curiosidade, da iniciativa, da constancia e do sentido da responsabilidade na realización das diferentes investigacións.
C1.5 - A ciencia, a tecnoloxía, a enxeñaría e as matemáticas como actividades humanas. As profesións STEM na actualidade desde unha perspectiva de xénero.
C1.6 - Dispositivos e recursos dixitais de acordo coas necesidades do contexto educativo. A aula virtual.
C1.7 - Estratexias de recollida, almacenamento e representación de datos para facilitar a súa comprensión e análise.
|
Bloque 1 |
|
C2.2 - O clima e o planeta. Tipos de clima en Galicia e en España. Elementos e factores climáticos.
C2.4 - O cambio climático do local ao global: causas e consecuencias. Medidas de mitigación e adaptación.
C2.5 - O desenvolvemento sostible. A actividade humana sobre o espazo e a explotación dos recursos. A actividade económica e a distribución da riqueza: desigualdade social e rexional no mundo e en España. Os obxectivos de desenvolvemento sustentable.
C2.6 - Estilos de vida sustentable: os límites do planeta e o esgotamento de recursos.
|
Bloque 2 |
|
C3.8 - Seguridade viaria. Normas básicas de circulación, sinais de tráfico e marcas viarias. Condutas e hábitos viarios correctos. Causas e grupos de risco nos accidentes de tráfico.
|
Bloque 3 |
Pero temos que ter claro que o desenvolvemento destes bloques da área de Ciencias Sociais non debe entenderse de maneira illada e o seu tratamento debe ser integral. Isto implica unha transferencia de coñecementos, destrezas e actitudes doutras disciplinas que quedan recollidos nestes bloques interrelacionados, que se presentan diferenciados entre si para darlles unha especial relevancia á investigación científica, á resolución de conflitos e a toma de decisións e ao desenvolvemento sostible, debendo desenvolverse vinculados.
Estes son os obxectivos da materia traballados específicamente:
| Obxectivos |
Descrición |
| OBX 1 |
Utilizar dispositivos e recursos dixitais de forma segura, responsable e eficiente, para buscar información, comunicarse e traballar de maneira individual, en equipo e en rede. |
| OBX 2 |
Expor e dar resposta a cuestións científicas sinxelas, utilizando diferentes técnicas, instrumentos e modelos propios do pensamento científico, para interpretar e explicar feitos e fenómenos que ocorren no medio natural, social e cultural. |
| OBX 3 |
Identificar as características dos diferentes elementos ou sistemas do medio natural, social e cultural, analizando a súa organización e as propiedades e establecendo relacións entre estes, para recoñecer o valor do patrimonio cultural, conservalo, melloralo e emprender accións para o seu uso responsable. |
| OBX 4 |
Identificar as causas e consecuencias da intervención humana na contorna, desde os puntos de vista social, económico, cultural, tecnolóxico e ambiental, para mellorar a capacidade de afrontar problemas, buscar solucións e actuar de maneira individual e cooperativa na súa resolución, e para poñer en práctica estilos de vida sustentables e consecuentes co respecto, o coidado e a protección das persoas e do planeta. |
| OBX 7 |
Participar na contorna e na vida social de forma eficaz e construtiva desde o respecto aos valores democráticos, aos dereitos humanos e da infancia e aos principios e valores do Estatuto de autonomía de Galicia, da Constitución española e da Unión Europea, valorando a función do Estado e das súas institucións no mantemento da paz e da seguridade integral cidadá, para xerar interaccións respectuosas e equitativas e promover a resolución pacífica e dialogada dos conflitos |
A continuación inclúese a enumeración dos descritores operativos das diferentes competencias clave:
| Competencias clave |
Clave dos descritores operativos |
|
CCL Competencia en comunicación lingüística
|
CCL 1, CCL 2, CCL 3, CCL 5
|
|
STEM Competencia matemática e competencia en ciencia, tecnoloxía e enxeñaría
|
STEM 1, STEM 2, STEM 4, STEM 5
|
|
CD Competencia dixital
|
CD 1, CD 2, CD 3, CD 4, CD 5
|
|
CPSAA Competencia persoal, social e de aprender a aprender
|
CPSAA 1, CPSAA 4
|
|
CC Competencia cidadá
|
CC 1, CC 2, CC 3, CC 4
|
|
CE Competencia emprendedora
|
CE 1 |
|
CCEC Competencia en conciencia e expresión culturais
|
CCEC 1, CCEC 4
|